Eksodas 30:33 - Buka Blahi Ka Cheke Holo

³³ Jame ihei te eni nafnata oel igne, ba tofa lao oel igne ka phaꞌugna ihei te theome pris na, mana au kosi ka naiknodi Israel.’ ”

Eksodas 30:33 ပူးပေါင်းရင်းမြစ်များ

Eksodas 30:38

Jame ihei te horo nogna insens jateula igne eghu, eghuteuna ihei te gahu glepo te famane sisiri keligna igne mala gna thegna teuna, ghotilo ginauna faꞌau kosini mana ka naiknodi Israel.”

Jenesis 17:14

Mae ihei te theome tohi fagaglana na, mae tuana theome nogu iara, naugna mana ne huhughuni nogu nhaꞌa cheke iara na.”

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Naba 9:13

Jame kaisei mae theome mei ka gaghamhu tuana, nu mana gae ka tathagu iara nei theome tei au ka namono delei teuna. Mana theome kaisei naikno gna Israel, naugna mana ne theome fafara mei ka iara. Mae tuana nabagna kolho te au papara ka nakhibo gna thegna na.

Levitikas 23:29

Jame ihei te huhughu te ghamu ka narane biꞌo igne na, ghotilo mala lisei fadelei ka nogu naikno iara re.

Levitikas 19:8

Ihei te ghamu nafnahi tuana, nabagna te mala papara na naugna mana goigoni kaisei glepo blahi, eghume ghotilo lisei fakosini ka naiknodi Israel.

Levitikas 17:9

nu theome hata mei ka grengatha gna Suga Tapuale te Blahi na te theome fafara mei ka iara Lord na, ghotilo lisei fakosini ka naiknodi Israel.

Eksodas 29:33

Mare thedi ngala te mala ima na gano teke fafara mei iagho ka iara te mala atha fadelei nakhibodire, kani teke taofi pris di iagho ra. Theo ihei nga te tangomana te ima na ka fafara igne na, naugna gano igne blahi.

Eksodas 12:19

Ka fitu narane igre na theome magnahagheni te filoni kaisei isi ka sugami ghotilo re, ba ka sugadi iheire te posa mei te au balumi ghotilo are. Jame kaisei naikno ka ghotilo te ima u bret te au isi tagna na, ghotilo fa au kosini naikno tuana ka vikegna Israel.”

Eksodas 30:34

Lord ne cheke eghu ka Moses, “Iagho ginauna atha glepo te sisiri kelidi igre: nataf, nei sehelet, nei helbena, nei lebona. Iagho atha nanaba vido ka fati glepo te sisisri kelidi igre,

Eksodas 31:14

“ ‘Ghotilo tajini narane igne mala gnafa, naugna nomi narane blahi ghotilo. Ihei te theome ghatho tahuni narane igne, eghuteuna ihei te loku ka narane tuana mala au kosi ka naiknogna Israel.

Levitikas 17:10

“Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Levitikas 17:14

Nakarhadi gobigna lepore au ka dadara gna na, naugna igne te chekeni iara ka ghotilo naiknomi Israel, te mala thosei koꞌu dadara ba ghamu nafnahigna glepo tautagu te au teu dadara gna na. Jame ihei te ghamu nafnata nafnahi igne na, ghotilo ginauna hata fadeleini ka naiknodi Israel.

Levitikas 18:29

“Eghuteuna jame ihei te eni kaisei glepo te diꞌa ka igre na, ghotilo mala lisei fadelei ka naiknodi Israel.

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Levitikas 20:17

“Jame kaisei mae tolaghi ka thofno greghagna na, neubane thugna gaꞌase kmagna mana, ba thugna gaꞌase idogna mana, repa mala mamaja ka glepo igne. Eghuteuna mare mala au fadelei ka kheradi repa re. Naugna mana famamajani greghagna na, mae igne nabagna te mala papara eigna puhi igne.

Levitikas 20:18

“Jame kaisei mae thuru fodu balugna gaꞌase te thokeni khabru gaꞌase na, ghotilo lisa fadeleidi repa ka naiknodi Israel, naugna repa ne fakakhana vido aheva te jifla mei dadara tagna na.

Levitikas 22:3

“Cheke ka mare, ginauna mae pris ka tharakna di mare igre te theome klino ka tathagu iara na, mana theome naba te mei namo ka fafara blahi igre. Tutuani, mae pris tuana theome tangomana teke mei loku ka olta ke ulugu iara. Vetula igne ginauna au fabrahu. Iara Lord.

Naba 4:18

“Kate mei tharaknagna mae Kohat gre mala pala gobi lepo te blahi igre teuna, ghopa ginauna fiofilo fakeli na eghu nu dofi tharaknagna mae Kohat gre ka vikegna mae Livae gre. Ghopa ginauna edi gobi lepo igre ka puhi te keli mala theome lehe mare kate mei namo ka glepo te blahi igre. Mae Eron baludi phei thugna re kolho mala mei lamna te mala tufa gloku ka mare na. Eghuteuna facheke thilomare glepo mala pala re eghu, naugna jame te mei maedi Kohat ke lamnagna Suga Thapuale te blahi igne nei filodi teu glepo blahi igre na, mare ginauna lehe.”

Naba 15:30

“ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Naba 15:31

Naugna te theome leghudi mana nogna cheke nei nogna vetula teu Lord na, uve, mana nabagna te mala au papara na nei mana jaola mala jifla ka naiknodi Israel gre.’ ”

Naba 19:13

Mae ihei te habo ka thinidi naikno te lehe nu theome faklinodi thedi teuna, mare theome klino ka tathagu iara na, naugna mare ne theome faklinodi thedi ka khoꞌu blahi igne. Mare na theome tangomana te jugru ka nogu Suga Thapuale te blahi iara na. Jame te tei mana na, mana ginauna goigonini nogu Suga Thapuale te blahi iara na, eghuteuna mana na jifla ka naiknodi Israel re.

Naba 19:20

“Nu mae ihei te theome fagaeni thegna ka khoꞌu blahi igne na, mana theome klino ka tathagu iara na, nei mana theome tangomana te jugru ka Suga Thapuale te blahi igne, naugna khoꞌu mala atha koko nakhibo igne ne theome fuafusa lao ka mana. Nu jame te tei mana ka Suga Tapuale te blahi na kate theome doglo teu na, mana goigoni nogu Sugablahi iara na. Eghuteuna, mana ginauna jifla ka naiknodi Israel gre.