Eksodas 30:31 - Buka Blahi Ka Cheke Holo

³¹ Iagho ginauna cheke eghu ka naiknodi Israel, ‘Oel blahi igne maladi nogna glepo Lord, nei maladi mae pris eghu fabrahu kolho.

Eksodas 30:31 ပူးပေါင်းရင်းမြစ်များ

Nodi Khoje Hatimare Mae Jiu 89:20

Iara ngala teke tofa oel blahi na ka phaꞌugna nogu mae gloku Devet. Uve, igne fagaglanagna te vahini mana te mala king na.

Levitikas 21:10

“Mae ihei te pris biꞌo teke tofa oel blahi mare ka phaꞌugna na, eghuteuna mare neke taofini mana mala fahaghe mana nodi pohe mae pris. Eghume kate lehe kaisei ka tharakna gna mana na, mana theome tangomana te edi glepo te mala laseni te diꞌanagnafa na, ba rerheku nogna pohe na, nei mana theome mala leghuni puhi te mala pore khaklagna re teu igne. Neuba mae ihei ne lehe kmagna ba idogna, mana blahi te tei ka thini na te fathonani thegna te theome mala klino ka tathagu iara na. Eghuteuna mana theome tangomana te jifla ka nogu vido blahi iara na te mala giugilui thini igne, naugna jame te eghu na, mana eni nogu vido blahi iara nogna God mala theome klino ka tathagu iara na. Naugna mare neke taofini mana ka nogu oel blahi iara na. Mana mala leghudi glepo igre naugna iara Lord.

Levitikas 8:12

Mana tofa keha oel ka phaꞌugna mae Eron, mala blahi mana.

Eksodas 37:29

Mare thofno eni fakeli oel blahi igne mala fablahi gobigna lepo. Eghuteuna mare jaola thofno eni fakeli insens blahi te famane sisiri keligna igne.

Eksodas 29:21

Iagho atha keha dadara te au kligna olta, eghuteuna ngigno balu katha oel blahi, eghuteuna iagho thoghei fuafusa lao ka mae Eron, nei ka nogna pohe blahi mana re. Eghuteuna iagho jaola thoghei fuafusa ka thugna mana re baludi nodi pohe blahi re. Eghuteuna ka puhi igne, iagho ginauna fablahini mae Eron nei thugna mana re, baludi nodi pohe blahi mare.

Eksodas 30:30

“Iagho ginauna tofa katha oel blahi ka phaꞌugna Eron, nei ka thugna mana re, eghuteuna iagho fablahidi mare mala pris mala loku ranghi ghau iara.

Eksodas 30:32

Ghotilo thosei tofa oel blahi igne ka ihei te theome pris, nei thosei tofa fodu ka glepo te famane sisiri kelidi are mala edi keha nomi nafnata oel themi. Oel igne blahi fara, eghuteuna ghotilo mala ghatho tahuni.