Eksodas 30:23 - Buka Blahi Ka Cheke Holo

²³ “Iagho ginauna atha glepo te thofno sisiri kelidi igre: namno kilo mur, thilo kilo glaghobe, thilo kilo nehu,

Eksodas 30:23 ပူးပေါင်းရင်းမြစ်များ

Profet Esikiel 27:22

“ ‘Mae bisnis ka kantri Seba baludi mae bisnis ka namono Rama mae igre ei bisnis balumu iagho, naugna mare foli glepo keli ka iagho ka famane thina, nei gol, nei insens mala lilisei oel mala famane sisiri.

Profet Jeremaea 6:20

Ghotilo nogu naikno iara ra! Neuba ghotilo ne gahu insens te famane sisiri keligna teke tei atha ghotilo ka kantri Seba, ba keha nafnata insens teke tei atha mei ghotilo ka vido te khaba. Nu iara ginauna na theome magnahaghedi glepo igre. Iara jaola theome magnahaghedi keha nafnata fafara te tusu mei ghotilo ka iara igre.”

Famane Khoje 1:13

Kheraguo, iara magnahaghei nigho iagho fara. Kate thuru soru iagho balugu iara bongi ia iagho jateula kaisei glepo te thofno famane siri keligna fara, te au farihotei di phei chuꞌugu iara ra eghu.

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Proveb 7:17

Iara tofahi keha nafnata famane sedi ka nogu sape na.

Nodi Khoje Hatimare Mae Jiu 45:8

Nou pohe brahu iagho na famane sisiri keligna fara ka phei nafnata sedi te kilodi mur ghe alo nei kasia. Iagho au ka famane suga nei tevo eghu re te nabagna king te lalaoni fakeli ka kheꞌi elefant. Eghuteuna hatimare mae string-band te mei lalahu te mala keli tamu iagho.

Eksodas 37:29

Mare thofno eni fakeli oel blahi igne mala fablahi gobigna lepo. Eghuteuna mare jaola thofno eni fakeli insens blahi te famane sisiri keligna igne.

Eksodas 25:6

oliv oel mala juta, sitha mala gahu insens, nei oel blahi mala taofidi mae pris,

Eksodas 30:22

Lord ne cheke eghu ka Moses,

Eksodas 30:24

nei namno kilo kasia. Iagho skel ka nodi skel mae pris ana. Iagho atha fati lita oliv oel,

Eksodas 31:11

eghuteuna oel blahi igne mala fablahidi glepo teke chekedi iara igre, eghuteuna insens te famane sisiri keligna igne mala loku mae pris ke lamna chogho blahi. Mare mala edi glepo igre thofno leghuni unha teke chekedi iara ka ghotilo ra.”

Eksodas 35:28

Eghuteuna mare atha mei oliv oel mala lilisei ka juta nei mala ei oel blahi mala fablahi glepo. Eghuteuna mare jaola atha khakla gaju te famane sisiri kelidi, mala lilisei lamna ka oel blahi igne, nei mala lilisei ka insens.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Ululahu Kings 1:39

Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”

Ululahu Kronikols 9:30

Nu keha mae pris ghu kolho te au nodi nolaghi te mala ngigno insens nei oel blahi teu igre.

Profet Isaia 43:24

Nu ghotilo theome foli kolho kaisei insens mala gahu mei ka iara. Eghuteuna ghotilo theome gahu kolho kaisei garofa buluka nafnata fafara te gleꞌani iara na. Unha te eni ghotilo gognarona, ghotilo fapala mei nakhibo tahu ka iara, la babaꞌo iara ka puhimi ghotilo te diꞌa re.

Naba 4:16

“Eghume mae Eleasa thugna mae pris Eron gne te mala reireghini Suga Thapuale te blahi igne baludi gobi lepo te au tagna re. Igre nanghadi glepo tuare re, oel di juta, insens, flaoa mala ei bret mala fafara leghu rane, oel mala fablahidi mae pris, nei keha glepo te blahi te au ka Suga Thapuale te blahi igne eghu.”

Ululahu Kronikols 9:29

Nu keha mae Livaet mala fiofilodi keha glepo blahi te mala loku ka Sugablahi na igre, nei famane flaoa, waen, oliv oel, insens nei keha glepo te mala edi te mala famane siri kelidi oel blahi igre.