Eksodas 30:15 - Buka Blahi Ka Cheke Holo

¹⁵ Kate tusu mei mare ka iara sileni te mala foli fajifla nakarhadi re igne, mae te dedei igre mare theome tangomana te koko sileni biꞌo na, eghuteuna iheire te kuma igre mare theome tangomana te koko sileni te ikoi fara na, naikno te gnafare mala kafe tufa nanaba kolho ka iara.

Eksodas 30:15 ပူးပေါင်းရင်းမြစ်များ

Naba 31:50

Eghume ghehati magnahaghei te fafara ka Lord. Ghehati neke atha kmana nafnata gol ring, khekeve, nei keha glepo langau eghu ka magra na. Ghehati magnahaghei te tusu lao glepo igre ka Lord, mala nu koko nakhibomire nei au doglo ke ulugna mana.”

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Levitikas 17:11

Gobigna lepo te karha igre, nakarhadi na au ka dadaragna na. Naugna igne iara vahini dadaragna fafara na pris tangomana te toatoafa dadara igne ka olta na mala hata fadelei nakhibomi ghotilo re. Naugna dadaragna glepo te tautagu na jateula nakarhagna eghu, eghume dadara na tangomana te hata fadelei nakhibomi ghotilo re.

Eksodas 30:12

“Kate kaha iagho naiknodi Israel, uve, naikno te gnafa re mala foli fajifla nakarhadi thedi re ka iara Lord, mala theo kaisei puhi biꞌo nate thokedi naiknore.

Kolose 3:25

Eghuteuna God na theome vahini ihei. Eghume, ihei te edi glepo te diꞌare God ginauna nake foli fapulo ka mana leghuni unha teke eni mana na.

Proveb 22:2

Neubane mae dedei ba ne mae kuma, phiamare kaisei nanabau kolho. Lord neke vuavuhadi phiamare gnafa.

Fapea Samuel 21:3

Aonu king Devet ne kilo meidi maedi Gibeon igre, ne cheke eghu ka mare, “Iara magnahaghei te fadoglini glepo te diꞌa teke eni mae Sol ka ghotilo tifa igne. Unha nate eni iara te mala fadoglini najafra igne na te mala chekeni ghotilo kaisei fablahi ka ghehati nogna naikno Lord igre?”

Eksodas 30:14

Kate kaha na, iagho kahadi mae iheire te funu ka varadaki finogha haghe, aonu mare mala tusu mei sileni igne ka iara.

Eksodas 30:16

Iagho atha sileni igne ka mare mala reireghi gna Suga Tapuale te Blahi te mala thafoni God. Sileni igne mala laseni naiknodi Israel te mala ghathoni mare te mala foli fajifla nakarhadi re ka tathagna Lord.”

Profet Esikiel 45:16

Ghotilo naiknomi Israel te gnafa te au ka glose igne, ghotilo ginauna hata mei fafara igre ka nomi king na.