Eksodas 30:12 - Buka Blahi Ka Cheke Holo

¹² “Kate kaha iagho naiknodi Israel, uve, naikno te gnafa re mala foli fajifla nakarhadi thedi re ka iara Lord, mala theo kaisei puhi biꞌo nate thokedi naiknore.

Eksodas 30:12 ပူးပေါင်းရင်းမြစ်များ

Naba 31:50

Eghume ghehati magnahaghei te fafara ka Lord. Ghehati neke atha kmana nafnata gol ring, khekeve, nei keha glepo langau eghu ka magra na. Ghehati magnahaghei te tusu lao glepo igre ka Lord, mala nu koko nakhibomire nei au doglo ke ulugna mana.”

Ululahu Kronikols 27:24

Mae Joab thugna Seruia, mana ne funu kahadi mae nalhaꞌu re, nu mana neke theome fagnafani u gloku igne, naugna Lord neke paradi mare eigna te kaha igne. Eghume mare neke theome rioriso fakhaputu di mare ka nogna buka King Devet igne.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Nodi Khoje Hatimare Mae Jiu 49:7

Filo sagho, theo kaisei naikno te tangomana te foli fapuloni thegna ka sileni na. Tutuani, mana theome tangomana te tusu lao sileni ka God te mala ke foli fapuloni nakarhagna na.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Nonomho Te Keli Teke Risoi Mae Mak 10:45

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala folidi nakhibodi naikno te kmanare.”

Thoutonu Eigna Mae Job 36:18

Filo nighoi, ka naikno te diꞌa are glahu mei faꞌoso oso nigho ka seleni. Glahu dedei gna nauthoglu igne batu nigho tei jafra ka puhigna God te doglo na.

Thoutonu Eigna Mae Job 33:24

Engel igne tangomana te keli ranghini mana, cheke eghu ka God, ‘God, iagho thosei snakreni mae igne mala soru pari ke lamna beku. Iara au kaisei nabrou te mala fakarhani mana na.

Fapea Kronikols 24:6

Aonu king ne kilo meini Pris Jehoada, mae ihei te lida ka hatimare mae pris. Joas ne cheke eghu ka mana, “Naugna unha sagho te theome chekedi mae Livaet ra te salo takis ka naiknodi Jerusalem nei Juda teu ra? Mae Moses nogna mae gloku Lord neke chekeni takis igne ka vikegna Israel tifa ra mala foli takis te mala reireghigna Suga Tapuale te Blahi na.”

Ululahu Kronikols 21:14

Aonu Lord ne kuru mei kaisei fogra biꞌo te thono diꞌa fara ka naiknore. Eghuteuna fitusalei thogha naiknodi Israel ne lehe ka fogra igne.

Ululahu Kronikols 21:12

Kaisei na, narane mala rofo na ginauna thoke mei heva heva ka kantri igne nabagna thilo finogha. Kehana, ghotilo ginauna rikhadi nomi naokare na theome au snoto nabagna thilo nhigra. Eghuteuna fatilo na, nogna Engel Lord na ginauna nhaꞌa mei kaisei fogra te diꞌa fara na goigonidi naiknore ka vido te gnafa ka nomi kantri ghotilo igne nabagna thilo narane.” Eghuteuna mae Gad neke cheke eghui, “Eghume king, iara magnahaghei nigho iagho te ghathoni igne, eghuteuna chekeni ka iara aheva ka thilo glepo igre te magnahagheni iagho na. Eghuteuna iara ginauna hata tei nou cheke tughu iagho na ka Lord, mae ihei teke kuru mei ghau iara na.”

Eksodas 30:11

Lord ne cheke eghu ka Moses,

Naba 31:49

Mare ne cheke eghu ka mana, “Nou mae gloku iagho gre neke kahadihi nomi mae soldia ghehati gre, eghuteuna theo kaisei mae ka mare te dofi na.

Ululahu Kronikols 21:1

Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.

Ululahu Kronikols 21:3

Nu mae Joab ne cheke eghu ka king, “King, iara magnahagheni Lord te eni haghe nabadi noda soldia tahati gre mala kmana gobi salaꞌudi gognaro gre. Iagho laseni, naiknodi Israel igre au ke parimu iagho, eghuteuna kaisei iagho ngala nodi king na. Eghume, mala unha eghu sagho te magnahaghei eni puhi te diꞌa ranghidi naiknodi Israel grea?”

Fapea Kronikols 24:9

Eghuteuna mare ne fatei nogna cheke king igne Jerusalem nei ka keha namono Juda. Mana cheke ka naiknore mala hata mei nodi takis re mala tusu lao ka Lord. Igne u takis teke chekeni mae Moses nogna mae gloku God ka vikegna Israel ke lamna namono nagou.