Eksodas 30:10 - Buka Blahi Ka Cheke Holo

¹⁰ Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Eksodas 30:10 ပူးပေါင်းရင်းမြစ်များ

Levitikas 16:18

“Eghuteuna ke leghu, Eron ginauna mala hata tei keha dadara buluka nei nanigot eghu mala lilisei ka Olta mala Gahu Fafara mala jaola klino mana. Mana mala lilisei dadara igre ka fati hona gna olta na,

Hibru 9:25

Mae pris biꞌo na, ruma ke lamnagna suga tapuale leuleghu finogha. Mana hata balugna dadara buluka, theome dadaragna thegna. Nu mae Kraes ruma jare kaisei fata kolho ne fafarani thegna ka God.

Levitikas 23:27

“Leuleghu finogha, ka fabotho narane gna fafitu nhigra na, ghotilo mala tarai ka Narane biꞌo igne mala Hata Fadelei Nakhibo. Ka narane biꞌo igne, ghotilo mala thosei ghamuni kaisei glepo. Eghuteuna ghotilo mala kafe mei mala kilo fnakno ghau iara, eghuteuna ghotilo mala eni kaisei fafara mala tusu mei jateula glepo blahi eghu ka iara Lord.

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Thakle 9:13

Fafamno engel na ne ifu nogna khufli na. Aonu iara ne nomhini kaisei cheke te jifla mei ka fati sulukhugna olta teke hohoro ka gol te kegra teu ke ulugna God na.

Eksodas 30:9

Ghotilo thosei gahu keha nafnata glepoi ke kligna gna olta igne malagu iara, ba keha nafnata insens, ba buluka, ba gano ghotilo te magnahaghei fafara mei ka iara. Eghuteuna ghotilo jaola thosei tofa kaisei waen ke kligna gna mala fafara mei ka iara.

Eksodas 30:11

Lord ne cheke eghu ka Moses,

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Levitikas 16:16

Eghume ka puhi igne, pris biꞌo tangomana te eni igne ka Chogho te Thofno Blahi fara na nei ka Suga Tapuale te Blahi na mala klino ka tathagu iara na. Eron mala jateula igne eghu ka nakhibodi naiknodi Israel naugna mare theome klino ka tathagu iara na.

Ululahu Kings 1:50

Mae Adonaeja jaola ne mhaghuni mae Solomon. Aonu mana tei ka Suga Tapuale te Blahi na ne loku ka olta na.

Ululahu Kronikols 6:49

Mae Eron baludi goro thugna mana igre ngala te tangomana te mala gahu insens nei gahu fafara teu ke kligna olta na. Mae igre ngala te au nodi nolaghi te mala loku ke lamnagna Chogho te Blahi fara na. Eghuteuna mare fafara mala hata fadelei nakhibodi naiknodi Israel. Mare edi glepo igre thofno leghuni unha te chekeni mae Moses, nogna mae gloku God.

Levitikas 4:7

Eghuteuna mana ghiha keha dadara ka fati honagna olta te mala gahu insens na. Eghuteuna dadara teke salaꞌui tekuna, mana ne totofa ka pesigna olta te mala gahu fafara te au rhegna grengathagna Suga Tapuale te Blahi na.

Levitikas 4:18

Eghuteuna mana ghiha keha dadara ka fati honagna olta te mala gahu insens na. Eghuteuna dadara teke salaꞌui tekuna, mana ne totofa ka pesigna olta te mala gahu fafara te au rhegna grengathagna Suga Tapuale te Blahi na.