Eksodas 3:22 - Buka Blahi Ka Cheke Holo

²² Gaꞌasedi Israel igre ginauna toredi gaꞌasedi Ijep te au rhedire mala tusu ranghidi kmana pohe nei glepo eghu teke horo mare ka silva ba gol. Ghotilo ginauna snakredi thumire mala fahaghe glepo igre. Ka puhi igne, ghotilo ginauna atha famane glepo ka naiknodi Ijep jateula armi te uluni kaisei namono ka magra ra eghu.”

Eksodas 3:22 ပူးပေါင်းရင်းမြစ်များ

Profet Esikiel 39:10

Mare ginauna theome ke hiro gaju mala gahu gano na, nei na theome ke tei mata mala kato soru gaju, naugna mare tangomana te hata kolho glepo mala magra igre. Eghuteuna mare ginauna hata famane glepo ka mae naoka teke hata glepo te keli ka mare. Igne nogu cheke iara Lord.”

Nodi Khoje Hatimare Mae Jiu 105:37

Mana neke batu fajifladi naiknodi Israel re mala jifla Ijep tei balu nodi silva nei gol. Mare te hui na kafe keli kolho, theo kaisei te fogra na.

Eksodas 11:2

Eghume iagho kulu cheke ranghidi naiknodi Israel ra mala tei ka naiknodi Ijep te au rhedi te namhadi fara are mala tore tadi keha gol nei silva.”

Profet Isaia 33:1

Kokhoni ghami fara ghotilo iheire te fakokhoanadi keha naikno ra! Ghotilo eni koba puhi igne ka keha naiknore, naugna theo kaisei naikno te eni nafnata puhi igne ka ghotilo na. Kokhoni ghami fara ghotilo te eni nafnata puhi te diꞌa igne ka kherami fofodu are! Ghotilo eni koba puhi igne, naugna theo kaisei naikno te eni kaisei najafra ka ghotilo na. Nu kate goigonidi ghotilo keha naiknore, mare ginauna na jaola ke goigoni ghamila ghotilo. Eghuteuna kate eni fadiꞌa ghotilo ranghidi kherami fofodu re, mare ginauna nake jaola nake enila unha puhi te diꞌa na ranghi ghami ghotilo.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Jenesis 15:14

Nu iara ginauna na paradi naikno te edi ka mare puhi tuare. Eghuteuna thumu iagho re ginauna jifla kokoni kantri tuana balu nodi glepo kmana.

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.