Eksodas 3:20 - Buka Blahi Ka Cheke Holo

²⁰ Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 3:20 ပူးပေါင်းရင်းမြစ်များ

Mae Khuru 7:36

Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Diutronomi 6:22

Ka narane tuare, mana neke edi kmana fagaglana nei kofubobhoi nei glepo mamhaghuana, eghuteuna mana loku ka nogna nolaghi biꞌo ranghidi naiknodi Ijep, king nei nomi mae biꞌo te gnafa.

Eksodas 9:15

Uve, jame magnahaghei te para nigho baludi nou naikno gre ka khabru biꞌo meula iara na, ghotilo jame kafe lehe hui. Naugna iara au nogu nolaghi biꞌo.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Nodi Khoje Hatimare Mae Jiu 105:27

Phia mare ne edi kmana fagaglana ka naiknore, nei phia mare edi kmana kofubobhoi jare.

Eksodas 12:39

Mare theo kaisei vido te snagla te mala kaikaliti ghedi na, naugna mae Ijep gre ne ghosei ne kuru fajifladi. Nu mare puipukhi flaoa te theo isi gna na ngala te kuki te eꞌei bret na.

Profet Esikiel 20:33

Iara eni nhaꞌa cheke igne ka nanghagu iara Lord God mae ihei te karha fabrahu tifa te tifa: Iara ginauna diꞌatagu fara ka ghotilo, eghuteuna iara ginauna funei fruni ghami ghotilo ka nogu nolaghi biꞌo.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Profet Isaia 19:22

Lord ginauna paradi naiknodi Ijep, nu mana eni puhi igne mala fadoglini puhidi mare te diꞌa na. Eghuteuna mare ginauna nake figri nake pulo mei ka Lord, eghuteuna mana ginauna na fanomho ka nodi tharai re mala ke au fakeli mare.

Nodi Khoje Hatimare Mae Jiu 106:22

Kofubobhoi teke edi God Ijep ra thono biꞌo fara, eghuteuna glepo teke edi mana ka Thongna Ukru ra, thono glepo mala jaglo nodi fara, nu mare theome ghathoni mana kolho eghu.

Nodi Khoje Hatimare Mae Jiu 105:38

Naiknodi Ijep re ne keli tadi fara kate jifla naiknore, naugna mare thono mhaghu nodidi fara ka naiknodi Israel re.

Jajis 8:16

Gidion nei mae te balugna mana igre eghu ne hata phonogna namono nagou na ne puridi mae biꞌo gna namono gne.

Jajis 6:8

Eghume, Lord ne kuruni kaisei profet mala chekeni nogna cheke na. Profet igne ne cheke eghu, “Igne nogna cheke Lord nodi God maedi Israel. Mana neke cheke eghu: Kani teke sneka Ijep kuꞌeda tifa ra, iara thegu ngala teke hata fajifladire.

Diutronomi 4:34

Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Eksodas 11:1

Kate thafru nga teu Ijep ka gromno igne na, Lord ne cheke eghu ka mae Moses, “Iara ginau na falaseni ghu mae king nei nogna naiknore eghu ka nau papara leghu lahu igne. Ke leghugna te eni iara igne sini ame kafe brue fajifla ghami nga mae king ka vido te au ghotilo igne eghu.

Eksodas 6:1

Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Jenesis 15:14

Nu iara ginauna na paradi naikno te edi ka mare puhi tuare. Eghuteuna thumu iagho re ginauna jifla kokoni kantri tuana balu nodi glepo kmana.

Eksodas 4:21

Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Profet Maeka 7:15

Lord cheke tughu ghita ne cheke eghu, “Uve, iara ginauna edi kofubobhoi fari hoteimi ghotilo, jateula teke edi iara tifa ka narane teke atha iara kuꞌemi ghotilo teke jifla Ijep.”