Eksodas 3:16 - Buka Blahi Ka Cheke Holo

¹⁶ “Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Eksodas 3:16 ပူးပေါင်းရင်းမြစ်များ

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Eksodas 4:29

Kate figri Moses ghe Eron Ijep, phiamare ne kilodi lida te gnafa Israel igre mala kafe mei.

Jenesis 50:24

Mana ne cheke eghu ka mae thabusigna re, “Iara gne la namo lehehi. Nu God na ginauna reireghi ghami ghotilo, eghuteuna mana ginauna nake hata fajifla ghami ghotilo agne. Eghuteuna mana ginauna nake hata fapulo ghami ghotilo ka namono aheva teke nhaꞌa cheke mana ranghini mae Ebraham nei mae Isak nei mae Jekop.”

Mae Khuru 15:14

Mae Simon la toutonuhi ka tahati eigna nogna namha God ranghidi iheire te theome Jiu. God na la kulu vavahi keha naikno igre mala nogna thegna.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Mae Khuru 20:17

Mae Pol au neu Maelitas ne fatei nonomho ranghidi mae biꞌo ka khiloau Efesus mala ke mei mare filoni mana.

Mae Khuru 11:30

Mare ne salo keha sileni ne tusu lao ka mae Banabas ghe mae Sol, ne hata ne tei ka goro mae biꞌo te mala baubatu gna khiloau Jerusalem.

Luku 19:44

Mare ginauna paꞌe nomi namono ghotilo gne, baludi naikno te gnafa te au ke lamnagna. Ginauna theo kaisei thina ka kaisei suga nate au ka vido teke au gna na. Naugna ghotilo ne theome filo glanini narane nate mei God te fakarha ghami ghotilo na.”

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Thoutonu Eigna Rut 1:6

Kate nomhini Naomi God te kokhonidi naiknodi Israel gre te toghodi ka gano na, naꞌa ne tarabana mala ke figri Juda baludi phei nanghognare. Aonu kate tei teu retilo ka nabrou na,

Eksodas 13:19

Tifa na mae Josep neke kulu cheke eghu, “God ginau na atha fajifla ghami ghotilo agne Ijep. Te eghu na, ghotilo mala atha nhubragu iara re mala tei balumi.” Hatimare mae Israel gre neke eni u nhaꞌa cheke igne. Aonu mae Moses ne atha nhubragna mae Josep re ne tei baludi.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Eksodas 2:25

Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Eksodas 24:11

Tutuani fara, mare neke thofno filoni tathagna God, nu mana neke theome goigonidi mare. Thono theo fara. Aonu mare ne ima fodu ka vido igne.

Eksodas 18:12

Aonu mae Jetro ne fafara ka God glepo tautagu te thofno krono fara. Mana ne jaola ne eni keha fafara na ka God. Eghuteuna mae Eron nei hatimare mae biꞌodi Israel gre ne mei ima balugna mae Jetro ke ulugna God.

Eksodas 15:14

Kate nomhini igne keha kantri te au faligoho ka vido tuare ne thono mhaghu nodi fara ne fififri fara. Hatimare mae Filistia gre ne jaola ne mhaghu nodi fara.

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Jenesis 21:1

Lord ne fablahini Sera jateula teke chekeni mana na neu.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Eksodas 4:1

Moses ne toreni Lord ne cheke eghu, “Faꞌunha eghu jame te tirodi fatutuanidi nogu cheke iara re, ba tirodi fanomho ka iara na? Eghuteuna jame te cheke eghu mare ka iara na, ‘Iagho chaghi! Lord na theome mei kolho ka iagho!’ Jame te eghu na, unha nate chekeni iara ka mare na?”

Eksodas 17:5

Eghuteuna Lord ne cheke eghu ka mae Moses, “Iagho atha keha mae biꞌo ka mae Israel are mala kulu ulu ka naikno are. Kate tei ghotilo na, iagho atha balumu u khodo teke puphuri iagho ka Khoꞌu biꞌo Nael ia.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Eksodas 1:8

Aonu kmana finogha ke leghudi igre, kaisei king majaghani ne kegra funei Ijep, mae igne theome laseni unha teke eni mae Josep Ijep tifa na.

Nodi Khoje Hatimare Mae Jiu 102:21

Kate salo fodu mei naikno te gnafa ka kantri te gnafa gre te mala tarai ka God ka namono Jerusalem na, mare ginauna toutonuni nanghagna mana na nei cheke fakelini eghu mana.