Eksodas 3:15 - Buka Blahi Ka Cheke Holo

¹⁵ “Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Eksodas 3:15 ပူးပေါင်းရင်းမြစ်များ

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Profet Malakai 3:6

Lord mae ihei te au nolaghi fateoteo igne ne cheke eghu, “Iara Lord, iara theome tangomana teke tughu na. Eghume ghotilo vikegna mae Jekop ra ghotilo ginauna theo kaisei glepo ka nauthoglu igne nate tapla fapari ghami ba fahui ghami ghotilo.

Profet Hosia 12:5

Mana Lord God mae ihei te au nolaghi fateote'o ka maloa kligna. Igne nanghagna God mae ihei te mala tarai te pogho soruni tahati na.

Profet Maeka 4:5

Naiknodi kantri falithui ghita igre theome gnafa te tarai nei leghudi nodi god. Nu neubane eghu, Lord noda God, tahati na theome gnafa te tarai nei leghuni mana fabrahu.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Nodi Khoje Hatimare Mae Jiu 102:12

Nu iagho Lord God, iagho ginauna King fabrahu tifa e tifa. Eghuteuna iheire na teke karha mei ke leghure, ginauna ghatho nigho fabrahu.

Nodi Khoje Hatimare Mae Jiu 135:13

Lord naikno igre ginauna laseni fabrahu nou nafnakno iagho na. Uve, naiknore ginauna theome gnafa te toutonu eigna te iagho ngala God na teuna.

Mae Khuru 7:32

God ne cheke eghu, ‘Iara nodi God mae ku'emu ra. Nogna God mae Ebraham nei nogna God mae Isak nei nogna God mae Jekop.’ Mae Moses ne fififri balu mhaghu ne tirogna filo lao ka khaꞌaghi na.

Diutronomi 1:11

Snakreni Lord, nodi God kuꞌemi ghotilo ra, fablahi ghami ghotilo mala kmana fara salaꞌui, jateula teke nhaꞌa chekeni mana na eghu.’

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Profet Isaia 63:12

Mana neke tusu lao nolaghi biꞌo ka mae Moses. Eghuteuna mana neke fofota thongna na ka phei vido neke kasa nogna naiknore ka keha phile na, eghuteuna ka puhi igne mana ne atha nafnakno biꞌo te theo ka huigna.

Nodi Khoje Hatimare Mae Jiu 72:19

Cheke fakelini nanghagna te fnakno tifa tifa. Nafnaknogna nogna nolaghi biꞌo God na mala tei posa ka namono te gnafa ka nauthoglu igne. Amen! Amen!

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Fapea Kronikols 28:9

Nu kaisei nogna profet Lord nanghagna na Oded, mana au Samaria. Kate ke pulo mei Samaria armi gna Israel igne, mana jifla ne tei thafodi mare. Aonu mana ne cheke eghu ka mare, “Lord nodi God kuꞌemi ghotilo ra diꞌatagna ka naiknodi Juda, naugna tuana ghotilo maemi Israel neke uludi mare. Nu te filoni Lord ka ghotilo na, ghotilo fameomekro te diꞌatami fara te aknu falehe kmana mae ra.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 1:35

‘Ghotilo naikno te diꞌa gognaro gre ginauna theo kaisei ka ghotilo nate filoni famane namono teke nhaꞌa cheke iara mala tusu lao ka kuꞌemi ghotilo teku ia!

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Jenesis 24:12

Mae gloku na ne tarai ne cheke eghu, “Lord, iagho nogna God nogu mae funei iara Ebraham. Togho ghau iara mala tangomana iara te filoni kaisei gaꞌase te malagna thugna mana na gognaro gne, mala keli nogu gloku iara na ka tathagna nogu mae funei na.

Eksodas 3:13

Moses ne cheke eghu, “Nu jame tei te cheke eghu iara ka naiknodi Israel, ‘Nodi God kuꞌeda tahati ra neke kuru mei ghau iara ka ghotilo,’ eghuteuna ghusna eghu mare ka iara, ‘Nu ihei nanghagna na?’ unha nate chekeni iara ka mare na?”

Eksodas 4:1

Moses ne toreni Lord ne cheke eghu, “Faꞌunha eghu jame te tirodi fatutuanidi nogu cheke iara re, ba tirodi fanomho ka iara na? Eghuteuna jame te cheke eghu mare ka iara na, ‘Iagho chaghi! Lord na theome mei kolho ka iagho!’ Jame te eghu na, unha nate chekeni iara ka mare na?”

Eksodas 6:2

God ne cheke eghu ka Moses, “Iara Lord.

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Eksodas 15:3

Mana jateula kaisei mae soldia te nheta fara eghu. Lord ngala nanghagna mana na.

Nodi Khoje Hatimare Mae Jiu 30:4

Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Profet Isaia 26:8

Uve, ghehati thofno leghuni fara nou vetula iagho na. Glepo ulu te magnahagheni ghehati na, naiknore mala ghatho tahuni nanghamu iagho na.

Profet Isaia 42:8

“Iara Lord, tuana Nanghagu iara na! Eghuteuna iara na theome snakreni kaisei god mala fnakno nanghagna na jateula iara eghu. Uve, iara ginauna na theome snakredi naiknore mala kilo fnaknoni kaisei god te chaichaghi teke horo kolho naikno.

Profet Jeremaea 33:2

Profet ne cheke eghu, “Lord mae ihei teke ghaoghaho nei vuavuha teku nauthoglu igne. Nanghagna Lord! Mana neke cheke eghu:

Profet Daniel 2:23

Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Ululahu Kronikols 16:16

Nhaꞌa cheke teke kulu eni mana ka mae Ebraham igne, mana neke enila balugna mae Aesak, eghuteuna mana neke nhaꞌa cheke mala tajini nhaꞌa cheke igne.

Ululahu Kronikols 29:18

Lord, iagho nogna God mae Ebraham, nogna God mae Aesak nei nogna God mae Jekop, thilo kuꞌemi ghehati tifa ra. Ghehati ghatho tahu nigho iagho, toghodi sagho iheire nate karha mei ke leghumi ghehati igre mala jaola au fabrahu nafnata gaoghatho igne, nei ghatho tahu nigho fabrahu.

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Nodi Khoje Hatimare Mae Jiu 68:5

God mae ihei te au teu ka nogna suga te blahi na, mana reireghidi goro sua te glehe kokoi, ba goro gaꞌase te lehe khetodire.

Nodi Khoje Hatimare Mae Jiu 102:13

Gognaro gne narane te mala kokhoni ni iagho Jerusalem na. Thofno narane te mala phile iagho balugna mana na.

Profet Hosia 12:6

Eghuteuna, ghotilo vikegna mae Jekop ra mala jateula mana eghu tughu nagnafa mala ke figri mei ka noda God. Ghotilo mala ghatho tahuni nei leghuni eghu mana ka puhi te doglo te mala fatedi naiknore. Eghuteuna ghotilo ofou mala filoni unha nate eni mana te mala fakarhi ghami na.