Eksodas 3:13 - Buka Blahi Ka Cheke Holo

¹³ Moses ne cheke eghu, “Nu jame tei te cheke eghu iara ka naiknodi Israel, ‘Nodi God kuꞌeda tahati ra neke kuru mei ghau iara ka ghotilo,’ eghuteuna ghusna eghu mare ka iara, ‘Nu ihei nanghagna na?’ unha nate chekeni iara ka mare na?”

Eksodas 3:13 ပူးပေါင်းရင်းမြစ်များ

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Proveb 30:4

Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Eksodas 3:14

God ne cheke eghu ka Moses, “Nanghagu iara na, ‘IARA IHEI TE AU FABRAHU. Iagho tei cheke eghu ka naiknodi Israel ra: God, mae ihei te kuru mei ghau iara ka ghotilo igne, nanghagna IARA.’ ”

Jenesis 32:29

Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Jajis 13:17

Manoa na ne cheke eghu, “Iagho ihei nanghamu na? Ghepa magnahaghei te laseni, naugna kate thoke mei tutuani unha te chekedi iagho igre, ghepa magnahaghei te cheke fakeli nigho iagho.”

Jajis 13:6

Gaꞌase igne tei ne cheke eghu ka mae Manoa, “Kaisei profet jateula kaisei engel nogna God eghu filogna na ne mei ka iara. Iara ne thono mhaghu nogu fara. Iara theome ghusnani neke mei funugna ka namono aheva, eghuteuna mana theome chekeni nanghagna na ka iara.

Eksodas 15:3

Mana jateula kaisei mae soldia te nheta fara eghu. Lord ngala nanghagna mana na.

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Eksodas 7:16

Iagho cheke eghu ka mae king, ‘Nomi Lord God ghehati mae Hibru gre na ne kuru mei ghau iara mala cheke ka iagho mala snakredi iagho nogna naiknore mala tei pogho soruni mana ka namono nagou gno. Nu iagho gne theome fanomho la ghilei posa ka narane gognaro gne eghu.

Profet Isaia 52:6

Nu ghotilo ginauna lase ghau iara Lord, iara na chekeni unha nate thoke mei ginauna. Uve, iara ngala God na.”