Eksodas 3:12 - Buka Blahi Ka Cheke Holo

¹² Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Eksodas 3:12 ပူးပေါင်းရင်းမြစ်များ

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Jenesis 31:3

Lord ne cheke eghu ka mae Jekop, “Ghema, ke pulo sagho ka namono aheva teke au mae kmamu nei vikemu teku ra. Iara gne ginauna au balumu iagho.”

Eksodas 4:15

Iara ginauna togho ghami ghopa mala cheke, eghuteuna iara ginauna fagriu ghami unha te mala eni ghopa na. Iagho ginauna chekedi cheke igre ka mana, iagho jateula God eghu ka mana. Eghuteuna Eron ginauna mala cheke ka naiknore tughu nigho iagho, mana mala jateula foflomu eghu iagho.

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Mae Khuru 11:21

Nolaghi nogna Lord na ne au baludi, eghuteuna naikno kmana Antiok ne fatutuani ne leghuni Lord.

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Profet Isaia 37:30

“Aonu profet Isaia ne cheke eghu ka King Hesekaea, “Igne kaisei fagaglana malamu iagho na: Ka finogha igne ghotilo ginauna ghamu gano teke karha kolho thedi ka nagaredi tifa ra. Eghuteuna ka finogha te mei gno, ghotilo ginauna ghamu gano nate kotu mei ke leghure. Nu ka fatilo finogha gno, ghotilo ginauna tangomana te loku ka nagare mala hata gano tagna. Eghuteuna ghotilo ginauna tangomana te joꞌu grep mala ghamu sisigna na.

Jajis 7:11

Eghuteuna kate nomhini iagho unha te chekeni keha soldia di Midian igre, gaoghathomu iagho na ginauna frane te mala uludi mare na.” Aonu Gidion ghe Pura phiamare soru ne poru rhegna suga mala toetoe armigna Midian.

Jajis 6:21

Aonu, Engel nogna Lord igne loku kaisei khodo ne jaꞌi lao khukrugna khodo igne te habodi nafnahi nei bret teu igre. Khaꞌaghi ne deudeplu haghe ke kligna gna thina igne ne thofno krono fara glepo igre. Eghuteuna Engel nogna God igne megei nga ne dofini.

Jajis 6:17

Gidion ne cheke eghu, “Jame te tutuani iagho te Lord nate togho ghau iara na, falase mei kaisei fagaglana ka iara.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Jenesis 15:8

Nu mae Ebram ne cheke eghu, “Lord God, faꞌunha eghu laseni iara namono igne nate nogu iara na?”

Mae Khuru 7:7

Nu iara ginauna na paradi naiknogna namono te faloku biꞌodi fara vikemu iagho are. Eghume ke leghugna tuana na, vikemu iagho re ginauna mei pogho soru ranghi ghau iara ka namono igne.’

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Eksodas 3:13

Moses ne cheke eghu, “Nu jame tei te cheke eghu iara ka naiknodi Israel, ‘Nodi God kuꞌeda tahati ra neke kuru mei ghau iara ka ghotilo,’ eghuteuna ghusna eghu mare ka iara, ‘Nu ihei nanghagna na?’ unha nate chekeni iara ka mare na?”

Eksodas 18:5

Kate au teu mae Moses ka namono nagou na rhegna thogele blahi na, mae Jetro ne kulu famei cheke igne ka mae Moses, “Iara gne la mei mala sigho nigho iagho, eghuteuna iara gne la atha la mei khetomu nei phei mae thumu nalhaꞌu teu iagho ra.”

Eksodas 33:14

Lord ne cheke eghu, “Moses, thosei nanga nou! Iara ginauna tei balumu iagho! Gobigna lepore ginauna keli ranghi nigho iagho.”

Naba 16:28

Mae Moses ne cheke eghu, “Gognaro na, ghotilo ginauna laseni eigna God ngala teke kuru mei ghau iara mala edi gobigna lepo igre. Eghuteuna ghotilo ginau jaola laseni te theome edi iara gobigna lepo igre ka gaoghathogu thegu na.

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.

Jajis 6:16

Nu Lord ne cheke eghu ka mana, “Iara ginauna tei balumu iagho. Eghume iagho tangomana naugna iara ginauna togho nigho iagho mala aknu falehedi vikegna Midian jateula iagho te aknu faleheni kaisei mae ra eghu kolho.”

Fapea Kings 19:29

Aonu profet Isaia ne cheke eghu ka King Hesekaea, “Igne kaisei fagaglana nate thoke mei ginauna. Finogha igne ghotilo ginauna ghamu gano te kotu thedi ka nagare di tifa are. Eghuteuna finogha te mei igne, ghotilo ginauna ghamu gano nate kotu haghe ke leghu re. Nu ka fatilo finogha na, ghotilo ginauna tangomana teke loku ka nagare na, mala teke au ghemi gano na, eghuteuna ghotilo ginauna tangomana te joꞌu grep te mala ghamu fuꞌa gna na.

Profet Jeremaea 1:8

Iagho thosei mhaghudi naiknore, naugna iara ginauna na batu nigho iagho.” Igne chekegna Lord teke cheke mei ka iara na.

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Eksodas 8:27

Theome tangomana! Teke chekeni Lord na ghehati mala tei ke lamnagna namono nagou na nabagna thilo narane ame fafara nga ka mana eghu neku, eghume, tuana te mala eni ghehati na eghu.”

Jajis 6:12

Nogna Engel Lord igne ne thakle ka mae Gidion ne cheke eghu ka mana, “Gognarona Lord au balumu iagho eghuteuna iagho kaisei mae nheta mala magra!”

Ululahu Samuel 14:10

Nu jame te cheke mare mala haghe tapa ka mare teuna, tapa ginauna tei, naugna tuana kaisei fagaglana te eni Lord ka tapa te mala uludi mare na.”

Ululahu Kronikols 9:20

Ulu lahu na mae Finehas thugna mae Eleasa teke nodi lida mae te mala reireghi igre, eghuteuna Lord neke au balugna mana.