Eksodas 3:10 - Buka Blahi Ka Cheke Holo

¹⁰ Eghume gognarona iara magnahaghei nigho iagho te tei ka king gna Ijep, mala batu fajifladi iagho nogu naikno iara ra ka nogna kantri mana na.”

Eksodas 3:10 ပူးပေါင်းရင်းမြစ်များ

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Nodi Khoje Hatimare Mae Jiu 105:26

Aonu Lord ne kurudi mae Moses ghe mae Eron, phia mae teke vavahi mana re mala tei Ijep.

Ululahu Samuel 12:6

Mae Samuel ne cheke eghu, “Eigna Lord ngala teke vahidi mae Moses ghe mae Eron teke batu fajifladi kuꞌeda tahati Ijep tifa ra.”

Mae Khuru 7:34

Fanomho ka iara. Iara la filodihi nogu naikno te au papara ka namono Ijep ia. Iara nomhidihi nodi natanhire. Iara na soru mala fakarhidi. Eghume gognaro na, ghema Moses, iara nake kuru fapulo nigho Ijep.’

Nodi Khoje Hatimare Mae Jiu 77:20

Kani teke batudi iagho mae Moses ghe mae Eron ra, iagho jaola neke batudi nei reireghidi eghu naiknore jateula kaisei mae te batudi nei reireghidi teu nogna sipura neku.

Mae Khuru 7:36

Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.

Profet Hosia 12:13

Eghuteuna ka narane teke au mae Israel ka kantri Ijep, Lord neke kuruni kaisei mae profet mala tei hata fajifladi Ijep. Eghuteuna mae profet igne neke reireghi fakelidi mare.

Mae Khuru 7:6

Igne unha teke chekeni God ka mae Ebraham na, ‘Iheire nate karha mei ka vikemu iagho gre ginauna na tei au ka namono te theome khotogna thedi na. Eghuteuna naiknogna namono tuana ginauna na faloku biꞌodi fara nei na eꞌei kmana puhi te diꞌa ranghidi fabrahu nabagna fati gobi finogha. Eigna thumi ghotilo re ginauna mala sneka jare.

Mae Khuru 7:7

Nu iara ginauna na paradi naiknogna namono te faloku biꞌodi fara vikemu iagho are. Eghume ke leghugna tuana na, vikemu iagho re ginauna mei pogho soru ranghi ghau iara ka namono igne.’

Jenesis 15:13

Aonu Lord ne cheke eghu ka mae Ebram, “Tutuani fara te chekeni iara na, thumu iagho gre ginauna na tei au ka nodi kantri keha naiknoi. Eghuteuna naiknogna namono te tei au mare tagna tuana ginauna paradi mare nabagna fati gobi finogha. Thumu iagho gre ginauna na mala sneka mala loku ranghidi mare.

Jenesis 15:14

Nu iara ginauna na paradi naikno te edi ka mare puhi tuare. Eghuteuna thumu iagho re ginauna jifla kokoni kantri tuana balu nodi glepo kmana.

Eksodas 6:26

Eron ghe Moses igre Lord neke cheke eghu ka phiamare, “Ghopa mala batudi naiknodi Israel igre mala jifla agne Ijep.”

Eksodas 12:40

Funu ka narane teke mei au nogna naikno Lord igre Ijep te ghilei mei posa ka narane teke jifla mare Ijep igne na ne thofno thokeni fati gobi tolufulu finogha.

Eksodas 33:12

Moses ne cheke eghu ka Lord, “Iagho neke chekehi ka iara mala batudi naiknore mala tei ka glose teke nhaꞌa chekehi iagho ia, nu iagho neke theome chekeni ka iara ihei nate tei balugu iara na. Iagho neke chekehi iagho te lase ghau fara iara na, eghuteuna iagho jaola keli tamu ka iara.

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”

Ululahu Samuel 12:8

“Tifa na, kuꞌeda Jekop balu tharaknagna neke tei au Ijep. Ke leghu na, naikno di Ijep re neke fakokhoana di kuꞌeda teke karha mei ka tharaknagna mana ra. Aonu mare neke tanhi lao ka Lord mala toghodi, eghuteuna mana neke kurudi mae Moses ghe mae Eron mala tei hata fajifladi Ijep. Phiamare batudi mare neke ghilei mei au ka namono igne.

Jajis 6:14

Aonu Lord ne cheke eghu ka mae Gidion, “Iara kuru nigho iagho! Gognarona, iara farheta nigho iagho mala fakarhidi naikno te au ka khamedi vikegna Midian.”