Eksodas 29:46 - Buka Blahi Ka Cheke Holo

⁴⁶ Mare ginauna laseni, iara Lord nodi God mare, mae ihei teke atha fajifladi Ijep, mala tangomana iara te au baludi fabrahu. Iara Lord, nodi God mare.”

Eksodas 29:46 ပူးပေါင်းရင်းမြစ်များ

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Profet Esikiel 20:5

Iagho cheke ka mare: ‘Tifa na, iara Lord God neke vahini Israel mala nogu thegu neku, eigna iara neke kulu eni kaisei nhaꞌa cheke te rheta ka kuꞌemi ghotilo ra, mae iheire teke karha mei ke leghugna kuꞌemi ghotilo Jekop tifa ia. Kani teke au mare Ijep ia, iara neke fakakhana nogu nolaghi na ka mare, eghuteuna iara neke cheke eghu ka mare, “Iara nomi Lord God ghotilo.”

Levitikas 18:30

Eghume ghotilo mala leghudi farirhiu igre, eghuteuna ghotilo thosei leghudi naikno te diꞌa teke kulu au ka glose nate tei te au ghotilo tagna na. Ghotilo mala thosei edi glepo nate edi ghotilo te theome klino ka tathagu iara na, naugna iara Lord, nomi God ghotilo.”

Levitikas 11:44

Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Levitikas 26:11

Iara ginauna au balumi ghotilo, eghuteuna iara ginauna theome thodo ghami ghotilo.

Profet Hagae 2:5

Ka narane teke jifla kokoni mae kuꞌemi ghotilo re namono Ijep tifa ia, iara neke eni kaisei nhaꞌa cheke mala au fabrahu balumi ghotilo ghilei thoke gognaro gne. Tharungagu iara na au balumi ghotilo. Tuana me thosei mhaghu ghotilo eghu.”

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Levitikas 26:12

Iara ginauna nomi God ghotilo fabrahu, eghuteuna ghotilo ginauna nogu naikno iara.

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Ululahu Samuel 10:18

Mae Samuel ne cheke eghu ka mare, “Lord noda God tahati maeda Israel, mana ne cheke eghu: kani au teku kuꞌemi ghotilo Ijep tifa ra, iara neke fakarhidi mare. Iara neke atha fajifladi mare ka nodi nolaghi naiknodi Ijep, nei ka nodi nolaghi keha naikno teke jaola teke gonidi mare ra.

Fapea Kronikols 6:18

“Lord, iagho ginauna na mei au balumi ghehati naiknogna nauthoglu igne sia? Kligna na namono biꞌo fara theome nabamu iagho te au tagna na. Sugablahi te eni iara igne jaola ikoi fara theome nabamu iagho te au tagna na.

Profet Jeremaea 14:9

Naugna unha sagho te jateula kaisei mae te rhana ka nogna naoka na teugnea, ba jateula kaisei mae soldia te theo nogna nolaghi te mala fakarhini ihei teu gnea? Lord, ghehati thofno nou naikno iagho, eghuteuna ghehati lase nigho iagho te au balumi. Eghume iagho thosei tei koko ghami eghu.”

Profet Esikiel 34:24

Eghuteuna iara Lord ginauna nodi God mare, eghuteuna nogu mae gloku iara ka vikegna Devet igne ginauna king mala funei frunidi mare. Iara Lord te chekeni igne!