Eksodas 29:43 - Buka Blahi Ka Cheke Holo

⁴³ Ka vido igne iara ginauna thafodi naiknodi Israel. Eghuteuna nogu nolaghi biꞌo iara na ginauna agha soru ka vido igne mala fablahini.

Eksodas 29:43 ပူးပေါင်းရင်းမြစ်များ

Ululahu Kings 8:11

eghuteuna mare ne theome tangomana te eni nodi gloku na, naugna siasiglagna nogna nolaghi biꞌo Lord na ne fodu ka nogna Sugablahi na.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Profet Esikiel 43:5

Aonu nogna nolaghi God igne ne pala ghau iara ne tei ke lamnagna glalaba ikoi te au rhegna Sugablahi na, eghuteuna iara ne filoni Sugablahi igne fodu ka siasiglagna nogna nolaghi biꞌo Lord.

Fapea Kronikols 5:14

eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Eksodas 40:34

Aonu nogna grokho biꞌo Lord na ne mei toku tafruni Suga Tapuale te Blahi te mala mei thafoni God, eghuteuna siasigla gna nogna nolaghi biꞌo Lord na ne fodu ka Suga Tapuale te Blahi igne.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Eksodas 25:22

Iara ginauna thafo nigho nei cheke balumu iagho eghu ke kligna gna bokis igne, farihoteidi phei engel igre. Iara ginauna mei thafo nigho ka vido igne, iara ginauna tusu ari nogu chekere ka iagho mala leghudi ghotilo naiknomi Israel.”

Eksodas 29:42

“Leuleghu fata na, ghotilo baludi iheire nate karha mei ke leghumi ghotilore ginauna edi phei fafara ka grengatha gna Suga Tapuale te Blahi te mala thafoni God. Eghuteuna ka vido igne, iara ginauna thafo ghami ghotilo, mala cheke balumu iagho.

Eksodas 29:44

“Iara thegu ginauna fablahi Suga Tapuale te Blahi nei olta teu igre. Eghuteuna iara thegu ginauna fablahini Eron baludi thugna manare mala loku ranghi ghau iara jateula pris eghu.

Levitikas 9:4

Eghuteuna mare mala atha mei kaisei buluka nalhaꞌugna balugna kaisei sipu nalhaꞌugna mala fafara mala laseni te au fakeli balugna Lord. Mare jaola mala fafara ka glepo tautagu igre balu flaoa ka famane wit teke ngigno fodu mare balu oliv oel. Mare mala edi glepo igre gognaro, naugna Lord ginauna thakle ka tahati ka narane gognaro gne.”

Eksodas 40:35

Eghuteuna naugna igne, Moses theome tangomana te ruma ka Suga Tapuale te Blahi igne.

Levitikas 9:6

Aonu mae Moses ne cheke eghu ka naiknore, “Lord neke cheke ka ghotilo mala edi glepo igre, mala ghotilo ginauna filoni siasiglagna nogna nolaghi mana na.”

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,