Eksodas 29:42 - Buka Blahi Ka Cheke Holo

⁴² “Leuleghu fata na, ghotilo baludi iheire nate karha mei ke leghumi ghotilore ginauna edi phei fafara ka grengatha gna Suga Tapuale te Blahi te mala thafoni God. Eghuteuna ka vido igne, iara ginauna thafo ghami ghotilo, mala cheke balumu iagho.

Eksodas 29:42 ပူးပေါင်းရင်းမြစ်များ

Eksodas 25:22

Iara ginauna thafo nigho nei cheke balumu iagho eghu ke kligna gna bokis igne, farihoteidi phei engel igre. Iara ginauna mei thafo nigho ka vido igne, iara ginauna tusu ari nogu chekere ka iagho mala leghudi ghotilo naiknomi Israel.”

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Eksodas 29:41

Eghuteuna grafi, kate gahu ghotilo keha sipu na, ghotilo ginauna ke eni jateula teke eni ghotilo fafara hamerane ia eghu. Unha te gahu te thofno krono igre te mala tusu mei ghotilo ka iara na, eghuteuna iara Lord ginauna keli tagu fara ka famane sisirigna na.

Eksodas 29:43

Ka vido igne iara ginauna thafodi naiknodi Israel. Eghuteuna nogu nolaghi biꞌo iara na ginauna agha soru ka vido igne mala fablahini.

Eksodas 30:36

Iagho atha katha vido ka insens igne, eghuteuna iagho ngunghuja ghilei vuhai paoda. Aonu, iagho atha tei lamna Suga Tapuale te Blahi mala thafo ghau iara, eghuteuna lisei lao ke kligna olta te au ke ulugna vido aheva te au Bokis Blahi te au Nhaꞌa Cheke tagna, aheva iara nate thafo nigho tagna na.

Eksodas 33:7

Leuleghu fata na naiknodi Israel igre fakegra haghe nodi suga tapuale re ka kaisei vido, Moses atha kaisei suga tapuale neke fakegra haghe delei katha ka nodi vido naiknore. Mana kiloni suga tapuale igne, “Suga tapuale ikoi mala thafoni God,” eghuteuna ihei te magnahaghei hironi gaoghathogna Lord na, mana tei ka suga tapuale igne.

Naba 17:4

Aonu iagho ginauna atha mei nabotho phei khodo tuare ka nogu Sugablahi iara igne, eghuteuna iagho ginauna mei lilisei ke ulugu iara ka bokis blahi igne ka vido te fari thafoi koba tapa igne.

Naba 28:7

Eghuteuna kate eni ghotilo fafara igne, ghotilo ginauna ka tofa lao kaisei lita waen ka olta na mala mei fafara tuana ka iara.

Profet Esikiel 46:15

Leuleghu hamerane na, ghotilo ginauna hata mei kaisei sua sipu mala fafara te thofno krono fara, balu flaoa ka famane wit nei oliv oel mala hata mei ka iara. Ghotilo mala eni igne koba leuleghu fata.”

Profet Esikiel 43:6

Kate kegra teu mae igne rhegu iara ka vido igne na, iara ne nomhini naoglagna Lord na, mei funu lamna ka nogna Sugablahi mana na.