Eksodas 29:36 - Buka Blahi Ka Cheke Holo

³⁶ Kaisei narane teu ka fitu narane igre na iagho falelehe kaisei buluka nalhaꞌugna mala fafara ka iara mala atha fadeleidi iara nakhibodi mae Eron nei mae thugna mana re eghu. Kate fafara te hui na, iagho ginau na toatofa oel blahi na ke kligna olta mala blahi. Ka nafnata puhi igne iagho na jaola eni olta igne mala gae ka tathagu iara na.

Eksodas 29:36 ပူးပေါင်းရင်းမြစ်များ

Hibru 10:11

Mae pris te gnafare mare eni nodi gloku na ranghini God leuleghu narane. Mare eni koba nafnata fafara igne ngala leuleghu fata na. Nu nafnata fafara igne theome tangomana te atha koko u nakhibo teke edi naiknore.

Eksodas 30:26

Iagho ginauna atha oel blahi igne eghuteuna tofa lao katha ka Suga Tapuale te Blahi ana nei ka Bokis Nhaꞌa Cheke ana.

Profet Esikiel 43:27

Ka fahanagna narane na, nei leuleghu narane, hatimare mae pris mala gahu ka olta igne fafara te thofno krono na, eghuteuna fafara igre mala falaseni te au fakeli naiknore balugu iara na. Eghume iara ginauna kelitagu fara ka ghotilo hui. Igne nogu cheke iara Lord God!”

Profet Esikiel 43:25

“Leuleghu narane nabagna fitu narane, iagho mala hata mei kaisei nanigot nalhaꞌugna jateula fafara mala doglo naiknore ka tathagu iara na. Eghuteuna leuleghu narane nabagna fitu narane, iagho mala jaola hata mei kaisei buluka nalhaꞌugna nei kaisei sua sipu nalhaꞌugna, repa te gnafa na theo kaisei thona ka thinidi re.

Naba 7:1

Kate eni te gnafa mae Moses Suga Thapuale te blahi nogna Lord igne, mana ne atha oel te blahi na ne fablahi suga thapuale na baludi gobigna lepo te au lamna re, nei olta baludi bukrei glepo te au ka olta na.

Levitikas 16:27

Eghuteuna mare hata ne tei keha vidodi buluka igne nei nanigot eghu teke fafara pris biꞌo igne mala ke doglo ghotilo ka tathagu iara na, eghuteuna dadara teke hata teke mei pris Eron lamna ka Chogho te Thofno Blahi fara na. Mare mala hata tei thinidi phei glepo igre balu gulidi nei butudi eghu mala tei gnubra ke kosigna vido te au ghotilo tagna.

Profet Esikiel 43:20

Iagho hata keha dadara mala ghiha ka fati khukrugna olta igne, eghuteuna jaola ghiha dadara igne kligna ka khukru pari ka olta igne, eghuteuna jaola ghiha ka gringni ikoi te faligohoni olta igne. Ka puhi igne iagho ginauna eni tuana mala klino olta igne ka tathagu iara na.