Eksodas 29:31 - Buka Blahi Ka Cheke Holo

³¹ “Iagho ginau na atha vido nafnahi sipu teke salaꞌui ka fapea sipu teke fafara iagho kani teke taofi pris di mae Eron nei thugna mana ra eghu mala tei kuki ke lamnagna nogu vido blahi iara teke fablahi iagho ia.

Eksodas 29:31 ပူးပေါင်းရင်းမြစ်များ

Levitikas 8:31

Mae Moses ne cheke eghu ka mae Eron baludi thugna mana re, “Ghotilo atha nafnahigna fapea sipu na mala kuki ka khoꞌu ka vido igne kolho, ka grengathagna Suga Tapuale te Blahi. Eghuteuna ghotilo mala ghamu nafnahi igne balu bret te au ka kharaꞌo gano te mala taofi ghotilo ana. Igne unha te chekeni Lord te mala eni ghotilo na.

Ululahu Samuel 2:15

Nu unha te diꞌa parilahu na, kate funu fafara mana nu theome hata fajifla nga meu garofagna nafnahi mala gahu teuna, phiamare na kuruni nodi mae gloku na mala cheke eghu ka mana, “Iagho famei keha ghegna nafnahi mae pris mala gogoꞌo mana! Mana tirogna ghamudi nafnahi te gahu iagho ka suspen are! Iagho famei nafnahi te theome gahu nga teu are!”

Ululahu Samuel 2:13

Eghume phiamare theome leghuni puhi te doglo na ka nodi fafara naiknore. Leuleghu fata kate mei Saelo naiknodi Israel te fafara na, mare gahu vido nafnahi mala fafara ka suspen te biꞌo. Eghuteuna phiamare kuruni nodi mae gloku na mala hata foke biꞌo mala churu soru ka suspen igne. Eghuteuna kate pala haghe mana foke igne, nafnahi te chakhi ka foke igne te hata phiamare na. Phiamare eni koba nafnata puhi igne kate mei fafara naiknore.

Eksodas 29:30

Uve, mae ihei ka vikegna mae Eron te taofini iagho te mala mae pris biꞌo na, ulu lahu na, mana mala fahaghe phoko blahi nabagna fitu narane. Eghuteuna ke leghugna igne mana tangomana te tei loku ka nogu Suga Tapuale te Blahi iara na te mala loku ranghi ghau iara ke lamna Chogho te Blahi na.

Eksodas 29:32

Mae Eron nei hatimare mae thugna mana re eghu ginau na au jare ka grengathagna nogu Suga Tapuale te Blahi iara na mala ima u nafnahi ra balugna vido bret te au teu ka kharaꞌo ia.

Levitikas 8:22

Aonu mae Moses atha phei sipu nalhaꞌudi mala taofi pris. Mae Eron baludi mae thugna re ne habo lao khamedire ka phaꞌugna sipu igne.

Profet Esikiel 42:13

Mae igne neke cheke eghu ka iara, “Phei suga igre blahi, naugna vido aheva mae pris te mala mei te namo ka Lord te mala fafara, nei tangomana te ghamu vido gano teke fafara te thono blahi fara te maladi mae pris kolho. Jaola ka vido igne hatimare mae pris te lilisei unha teke hata teke mei naiknore, jateula ngau flaoa teke edi ka wit te thofno keli fara, nei fafara te mala doglo naiknore ka tathagna Lord, nei fafara mala poloru.