Eksodas 29:28 - Buka Blahi Ka Cheke Holo

²⁸ Igne vetula te mala leghuni fabrahu naiknodi Israel. Leuleghu fata fafara na mare gahu kolho vidogna na, eghuteuna mare ghamu keha vidogna na mala laseni mare te fofodu balugu iara na. Mare mala tusu lao phei vido igre ka mae Eron baludi mae pris ka vikegna mana mala ghamu. Igne nodi thufa naiknodi Israel ka iara Lord.

Eksodas 29:28 ပူးပေါင်းရင်းမြစ်များ

Diutronomi 18:3

“Kate fafara ghotilo buluka ba sipu ba nanigot hata te mei naiknore, ghotilo tufa keha vidogna na ka mae pris. Te nafnata vido igre: fafragna, nei gagama na nei butugna.

Naba 31:41

Aonu mae Moses ne tusu lao ka mae pris Eleasa nogna takis Lord re, jateula teke chekeni Lord ka mae Moses na.

Naba 31:29

Ghotilo ginauna tusu lao ka mae pris Eleasa mala fafara mei ka iara.

Naba 18:29

Ka glepo te tufa naiknore ka ghotilo are, ghotilo mala fafara mei famane glepo te gnafa are nogna Lord.

Naba 18:24

Naugna fabothodi unha te atha te mei naiknodi Israel te tusu mei jateula fafara teu ka iara Lord, iara la tusu laohi ka vikegna Livae mala khotogna mare. Eigna iara la chekenihi te vikegna Livae igne theome tangomana te khotogna kaisei vido glose ka nomi glose ghotilo naiknomi Israel.”

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Eksodas 29:27

“Iagho lisei fadelei phei vido ka sipu nalhaꞌugna igne mala taofini mae Eron baludi thugna re. Igne baludi phei babango gna nei grege ghahe nhetagna eghu sipu igne mala pala mei haghe ke ulugu iara.

Eksodas 29:29

“Kate lehe mae Eron na, ghotilo ke tusu lao phoko blahi mana re ka mae thugna mana nate ke karha mei ginau ke leghugna mana re. Eghuteuna mae ihei ka thugna mana na teke taofi pris ke leghugna mana na, mae tuana nate ke fahaghe phoko mana re.

Eksodas 28:2

Iagho mala susuki nodi pohe mae pris malagna thabusimu iagho Eron, mala famane keli filogna eghuteuna naiknore tangomana te ghatho tahuni mana.

Naba 5:9

“Eghume nodi glepo naiknodi Israel mala fafara te atha te mei ka mae pris igre, tuare nodi mae pris.

Naba 5:10

Mae pris kolho te au nodi nolaghi te mala lokudi glepo blahi te atha te mei naiknore.”

Naba 6:20

Ke leghugna tuana, mae pris ginauna atha glepo tuare, eghuteuna fafara mei ka iara Lord. Gobigna lepo nogna mae pris tuare ginauna kafe blahi gnafa, baludi gahegna nei gagarogna teku sipu nalhaꞌu teke fafara mare na. Eghuteuna kate edi te gnafa mare gobigna lepo tuare, ame tangomana nga mae Nasaraet igne te koꞌu waen na eghu.

Naba 15:21

Eghume ghotilo te gnafa ginauna leghuni vetula te mala fafara mei gano ka iara igne.

Naba 18:8

Aonu Lord neke cheke eghui ngala ka mae Eron, “Uve, fafara te blahi te funu ka naiknodi Israel te theome raꞌe gahu te knoro igre, iara ginauna tufa ari fafara igre ka iagho nei thumu iaghore eghu. Eghuteuna glepo tuare ginauna nomi ghotilo fabrahu.

Naba 20:28

Kate thoke lao mare ka thogele na, mae Moses ne atha koko pohe te fahaghe mae Eron re ne fahaghe lao ka mae Eleasa. Mae Eron ne lehe jare ka thogele na, aonu mae Moses ghe mae Eleasa neke pulo nodi.