Eksodas 29:27 - Buka Blahi Ka Cheke Holo

²⁷ “Iagho lisei fadelei phei vido ka sipu nalhaꞌugna igne mala taofini mae Eron baludi thugna re. Igne baludi phei babango gna nei grege ghahe nhetagna eghu sipu igne mala pala mei haghe ke ulugu iara.

Eksodas 29:27 ပူးပေါင်းရင်းမြစ်များ

Naba 18:11

“Keha nafnata fafara te ginau tufa mei naikno gre ka iara na, tuare jaola nou iagho. Iara ginauna tufa ari glepo tuare ka iagho baludi thumu nalhaꞌu nei thumu gaꞌase teu iaghore. Eghuteuna iheire te klino ka tathagu iara te au ka sugamu iagho are kolho te tangomana ima na.

Diutronomi 18:3

“Kate fafara ghotilo buluka ba sipu ba nanigot hata te mei naiknore, ghotilo tufa keha vidogna na ka mae pris. Te nafnata vido igre: fafragna, nei gagama na nei butugna.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Naba 6:20

Ke leghugna tuana, mae pris ginauna atha glepo tuare, eghuteuna fafara mei ka iara Lord. Gobigna lepo nogna mae pris tuare ginauna kafe blahi gnafa, baludi gahegna nei gagarogna teku sipu nalhaꞌu teke fafara mare na. Eghuteuna kate edi te gnafa mare gobigna lepo tuare, ame tangomana nga mae Nasaraet igne te koꞌu waen na eghu.

Levitikas 7:37

Igre vetuladi fafara te thofno krono re, nei fafara ka famane flaoa ka wit, nei fafara te mala doglo naikno na ka tathagna Lord, fafara mala poloru, nei fafara mala fablahi mae pris, nei fafara te mala au fakeli balugna Lord.

Eksodas 29:26

Iagho ginauna atha nafnahi ka babango gna fapea sipu igne eghuteuna pala mei haghe ke ulugu iara mala kaisei thufa. Nafnahi igne mala ghamu iagho.

Eksodas 29:28

Igne vetula te mala leghuni fabrahu naiknodi Israel. Leuleghu fata fafara na mare gahu kolho vidogna na, eghuteuna mare ghamu keha vidogna na mala laseni mare te fofodu balugu iara na. Mare mala tusu lao phei vido igre ka mae Eron baludi mae pris ka vikegna mana mala ghamu. Igne nodi thufa naiknodi Israel ka iara Lord.

Levitikas 7:30

Mana thegna mei ka Lord jateula kaisei fafara blahi eghu. Mana atha mei garofadi glepo tautagu igre, balu babangodi, eghuteuna mana pala haghe glepo igre ke ulugu iara jateula thufa eghu ka iara.

Ululahu Samuel 9:24

Aonu mae te mala gahu gano igne ne hata famane nafnahi ghahegna sipu na ne mei lilisei ka tevo na rhegna mae Sol. Eghuteuna mae Samuel ne cheke eghu ka mae Sol, “Filo sagho, vido nafnahi igne, iara neke tarabana malamu iagho neku. Iara neke vahini vido nafnahi igne malamu iagho mala ghamu iagho gognarogne baludi mae teke kilodi iara te mala mei ghamu fodu ka gano igre. Ghamu sagho.” Aonu mae Sol ne ghamu balugna mae Samuel ka narane igne.