Eksodas 29:25 - Buka Blahi Ka Cheke Holo

²⁵ Iagho atha glepo igre ka mare, eghuteuna thofno gahu ka olta ke kligna gna sipu ululahu teke gahuhi iagho igne. Glepo igre kaisei thufa blahi ranghi ghau iara Lord, eghuteuna famane sisiri gna na iara ginauna glealeꞌa fara tagna.

Eksodas 29:25 ပူးပေါင်းရင်းမြစ်များ

Levitikas 8:28

Mae Moses atha glepo igre ne tei lilisei ka olta mala gahu baludi fafara te gahu teure. Glepo igre kaisei thufa blahi. Igne fafara te mala taofi pris eghuteuna Lord kelitagna ka sisirigna na.

Eksodas 29:41

Eghuteuna grafi, kate gahu ghotilo keha sipu na, ghotilo ginauna ke eni jateula teke eni ghotilo fafara hamerane ia eghu. Unha te gahu te thofno krono igre te mala tusu mei ghotilo ka iara na, eghuteuna iara Lord ginauna keli tagu fara ka famane sisirigna na.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Ululahu Samuel 2:28

Ka vikedi mae Israel ra, iara neke vahi ghami ghotilo ka tharaknagna mae Eron mala nogu pris iara. Iara neke vahi ghami ghotilo mala loku ka olta, mala gahu insens, nei mala fahaghe phoko blahi efod. Eghuteuna iara tusu ari nolaghi ka tharaknagna mae Eron mala hata vido ka fafara blahi te gahu naiknodi Israel ke kligna olta.

Levitikas 10:13

Ghotilo mala ghamu ka kaisei vido blahi, naugna nogna glepo blahi Lord teke tusu ari ka ghotilo. Cheke igne, Lord teke cheke ka iara na mala cheke ka ghotilo.

Levitikas 7:25

Jame kaisei mae ghamu garofa gna nafnata glepo tautagu naba te atha te mei te mala fablahi iara Lord na, ghotilo faꞌau kosini mana ka naiknodi Israel.

Levitikas 7:5

Mae pris ginauna gahu glepo igre ke kligna olta mala kaisei glepo blahi malagna Lord. Igne fafara mala poloru.

Levitikas 3:14

Fafara igne mala laseni te au fakeli mana balugu iara na, mae igne mala atha mei garofa te au lamna ka thiꞌagna na, eghuteuna phei chauchau balu garofadi, eghuteuna vido keli ka khebugna na. Aonu mae pris igne mala gahu glepo igre ke kligna olta mala blahi gano igre eghuteuna iara Lord kelitagu ka sisirigna na. Garofagna te gnafa glepo te tautagu igne nogu fafara iara kolho.

Levitikas 3:9

Fafara igne te mala lase ni au fakeli balugu iara, mae igne mala atha mei garofagna sipu igne, garofa ka gleghugna te vahe fadelei ka thagrugna sipu igne, nei garofa lamna ka thiꞌagna na, phei chauchau balu garofadi, nei vido keli ka khebugna na. Aonu mae pris igne gahu glepo igre ke kligna olta mala blahi gano igre.

Levitikas 3:5

Aonu mae pris igne gahu glepo igre ke kligna olta, baludi keha fafara te thofno krono. Igne kaisei glepo blahi te kelitagu iara Lord ka sisirigna na.

Levitikas 3:3

Mae igne mana atha garofa lamna ka thiꞌagna buluka igne, baludi phei chauchau nei garofadi, balu vido te keli ka khebugna na, mala tusu lao ka mae pris igre, mala kaisei thufa blahi.

Levitikas 2:16

Aonu mae pris ginauna atha kakatha flaoa nei oel baludi insens te tusu mei ghotilo re, eghuteuna gahu ke kligna olta mala laseni ghotilo te tusu mei gano igre ka iara na eghuteuna igne jateula kaisei gano te tufa ka Lord eghu.”

Levitikas 2:9

Aonu mae pris ginauna atha kaisei vido ka gano igne, eghuteuna mana gahu ke kligna olta mala laseni te atha te mei mana ka iara na eghuteuna igne glepo blahi naugna iara Lord kelitagu ka sisirigna na.

Levitikas 2:2

Kate lilisei te gnafa na, mana atha tei tusu lao glepo igre ka mae pris thugna mae Eron. Aonu pris igne mala atha kakatha vido flaoa nei oel eghu baludi insens te gnafa igre, eghuteuna mana gahu ke kligna olta mala laseni te famei mana flaoa igre ka iara eghuteuna glepo igre blahi naugna iara Lord kelitagu ka sisirigna na.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 29:24

Iagho atha bret baludi nafnahi igre, eghuteuna lisa lao ka khamegna Eron nei ka thugna mana re, eghuteuna iagho cheke ka mare mala pala mei haghe ke ulugu jateula kaisei thufa eghu ka iara.

Levitikas 2:11

“Flaoa ka famane wit atha te mei ghotilo ka iara igne mala theome au isi tagna. Ghotilo theome tangomana te lilisei isi ba jurukuli ka gano te gahu ghotilo igne jateula thufa blahi eghu ka iara.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.