Eksodas 29:22 - Buka Blahi Ka Cheke Holo

²² “Fapea sipu igne, fafara mala taofi mae pris. Iagho vavahe garofa gna sipu igne, balu sekogna te au kmana tagna na, eghuteuna garofa igre thafru lamna ka thiꞌagna na. Eghuteuna iagho atha famane vido ka khebugna na, nei phei chauchau gna balu garofadi, nei grege ghahe fei nhetagna.

Eksodas 29:22 ပူးပေါင်းရင်းမြစ်များ

Eksodas 29:13

Aonu iagho atha garofa te thafru ka thiꞌagna buluka nalhaꞌugna igne, eghuteuna iagho atha fajifla famane vido ka khebugna na, eghuteuna phei chauchaugna balu garofa teke au tagna na, eghuteuna iagho gahu fahui ke kligna olta.

Naba 18:18

Nu nafnahidire nomi ghotilo. Eghuteuna nafnahi ka gagarodi glepo te tautagu teke tusu haghe ghotilo ke ulugu iara, balugna ghahe phile nhetagna teke tufa mei naiknore ka fafara ra eghu.

Levitikas 10:14

Nu babangogna nei grege ghahe fei nhetagna eghu glepo tautagu teke pala iagho teke tusu lao ka Lord baludi garofadi teu fafara blahi igne, nafnahi igre ghemi ghotilo. Ghotilo baludi thumi nalhaꞌu nei thumi gaꞌase teu ghotilo are, ghotilo te gnafa na tangomana te ghamu na. Eghuteuna ghotilo mala ghamu nafnahi igre ka vido te klino ka tathagna Lord. Nafnahi teke jifla mei ka glepo blahi gna fafara te mala laseni mare te au fakeli balugna Lord, nafnahi igne malami ghotilo fabrahu nei vikemi ghotilo are, jateula teke chekeni Lord igne eghu.”

Levitikas 9:19

Aonu mana atha ne mei garofadi phei glepo tautagu igre, garofa ka sekogna sipu igne, nei garofa lamna ka thiꞌadi, nei chauchaudi, nei famane vido ka khebudi teu phei glepo tautagu igre.

Levitikas 7:3

Mare vahe koko garofa te gnafa re mala gnubra ke kligna olta, tulao garofa te au ka sekogna na, baludi garofa te au ka thiꞌagna na, nei phei chauchau balu garofadi, nei vido te keli ka khebugna na.

Levitikas 3:9

Fafara igne te mala lase ni au fakeli balugu iara, mae igne mala atha mei garofagna sipu igne, garofa ka gleghugna te vahe fadelei ka thagrugna sipu igne, nei garofa lamna ka thiꞌagna na, phei chauchau balu garofadi, nei vido keli ka khebugna na. Aonu mae pris igne gahu glepo igre ke kligna olta mala blahi gano igre.

Eksodas 29:21

Iagho atha keha dadara te au kligna olta, eghuteuna ngigno balu katha oel blahi, eghuteuna iagho thoghei fuafusa lao ka mae Eron, nei ka nogna pohe blahi mana re. Eghuteuna iagho jaola thoghei fuafusa ka thugna mana re baludi nodi pohe blahi re. Eghuteuna ka puhi igne, iagho ginauna fablahini mae Eron nei thugna mana re, baludi nodi pohe blahi mare.

Eksodas 29:23

Iagho atha fajifla kaisei ka thilo nafnata bret ka kharaꞌo teke lilisei iagho ke ulugu iara Lord.

Levitikas 7:37

Igre vetuladi fafara te thofno krono re, nei fafara ka famane flaoa ka wit, nei fafara te mala doglo naikno na ka tathagna Lord, fafara mala poloru, nei fafara mala fablahi mae pris, nei fafara te mala au fakeli balugna Lord.

Levitikas 14:12

“Eghuteuna pris mala atha kaisei ka sipu igre, balu kapu oliv oel biꞌo, eghuteuna eni poloru fafara gna mae igne. Pris mala pala haghe phei glepo igre ke ulugu iara jateula fafara eghu ka iara.

Ululahu Samuel 9:24

Aonu mae te mala gahu gano igne ne hata famane nafnahi ghahegna sipu na ne mei lilisei ka tevo na rhegna mae Sol. Eghuteuna mae Samuel ne cheke eghu ka mae Sol, “Filo sagho, vido nafnahi igne, iara neke tarabana malamu iagho neku. Iara neke vahini vido nafnahi igne malamu iagho mala ghamu iagho gognarogne baludi mae teke kilodi iara te mala mei ghamu fodu ka gano igre. Ghamu sagho.” Aonu mae Sol ne ghamu balugna mae Samuel ka narane igne.