Eksodas 29:13 - Buka Blahi Ka Cheke Holo

¹³ Aonu iagho atha garofa te thafru ka thiꞌagna buluka nalhaꞌugna igne, eghuteuna iagho atha fajifla famane vido ka khebugna na, eghuteuna phei chauchaugna balu garofa teke au tagna na, eghuteuna iagho gahu fahui ke kligna olta.

Eksodas 29:13 ပူးပေါင်းရင်းမြစ်များ

Ululahu Samuel 2:16

Nu jame te cheke eghu mae te fafara igne, “Ofo ghu sagho. Tahati ginauna eni ka puhi te doglo mala kulu gahu garofa gna nafnahi igne, aonu ke leghu iagho tangomana te hata unha te magnahagheni iagho na eghu.” Nu neuba, mae gloku igne cheke eghu, “Ei! Famei sagho gognarola! Jame te theome leghuni iagho unha te chekeni iara igne na, iara ginauna huhuru mala hata ka iagho!”

Profet Isaia 43:24

Nu ghotilo theome foli kolho kaisei insens mala gahu mei ka iara. Eghuteuna ghotilo theome gahu kolho kaisei garofa buluka nafnata fafara te gleꞌani iara na. Unha te eni ghotilo gognarona, ghotilo fapala mei nakhibo tahu ka iara, la babaꞌo iara ka puhimi ghotilo te diꞌa re.

Profet Isaia 34:6

Nogna naflahi mana igne ginauna fodu ka dadara nei garofa, jateula dadaradi nei garofadi eghu sipu, ba nanigot te falelehe mae pris te fafara ra eghu. Lord ginauna aknu falehe naikno te au ka namono biꞌo Bosra, jateula kaisei fafara eghu. Eghuteuna mana ginauna jaola aknu falehe kmana naikno ka nodi kantri maedi Idom.

Profet Isaia 1:11

Lord neke cheke eghu, “Iara theome magnahaghedi thua nafnata fafara te edi ghotilo ka iara igre. Iara hongo ghau ka sipu te gahu ghotilo te hata te mei ka iara igre, eghuteuna iara jaola tirogudi garofadi nomi sipu ghotilo te blokha are. Iara tirogudi fara dadaradi buluka nalhaꞌudi nei nanigot nei sipu eghu te falelehe ghotilo are.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Naba 18:17

“Nu buluka, sipu nei nanigot teu te kulu karha re theome tangomana te foli fajifladire. Naugna glepo tuare thono blahi fara nei jaola nogu iara. Nafnata glepo te tautagu igre, iagho ginauna atha dadaradire, eghuteuna frusa lao ka gerigna olta na, eghuteuna iagho ginauna gahu garofadire ke kligna gna olta na mala blahi u fafara tuana, eghuteuna gagahugna te siri famane na te ginau fagleꞌa ghau iara na.

Levitikas 17:6

Pris hata dadara gna glepo tautagu tuana mala fuafusa ka fati khukru gna olta te au rhegna grengatha gna Suga Tapuale te Blahi na. Eghuteuna mana mala gahu garofa gna na mala kelitagna Lord ka sisiri gna na.

Levitikas 16:25

Mana mala hata garofadi glepo tautagu teke fafara re mala gahu ke kligna olta mala ke doglo ghotilo ka tathagu iara na.

Levitikas 9:19

Aonu mana atha ne mei garofadi phei glepo tautagu igre, garofa ka sekogna sipu igne, nei garofa lamna ka thiꞌadi, nei chauchaudi, nei famane vido ka khebudi teu phei glepo tautagu igre.

Levitikas 9:10

Mana atha garofagna buluka igne baludi phei chauchau nei vido te keli ka khebugna na, eghuteuna mana ne gahu fahui ke kligna olta, jateula teke chekeni Lord ka mae Moses ia neu.

Levitikas 8:25

Ke leghugna tuana, mana atha ne mei garofagna sipu igne balu gleghugna te garofa na, eghuteuna te au ka nafnahidi te vahe fajifla lamna ka thiꞌagna na, nei vido keli ka khebugna na, nei phei chauchau gna balu garofadi, nei grege ghahe fei nhetagna.

Levitikas 8:16

Aonu mae Moses atha garofa lamna ka thiꞌagna buluka igne, nei vido te keli ka khebugna na, nei phei chauchau balu garofadi teure ne thofno gahu fakrono ke kligna olta.

Levitikas 7:31

Eghuteuna mae pris teke tofa dadaradi glepo tautagu igre ka olta na, mana ginauna gnubra garofa igre ke kligna olta, nu babangogna na ghegna pris thugna mae Eron igre. Jaola, grege ghahe nhetagna glepo tautagu igne kaisei namha ka mae pris teke eni fafara na.

Levitikas 7:3

Mare vahe koko garofa te gnafa re mala gnubra ke kligna olta, tulao garofa te au ka sekogna na, baludi garofa te au ka thiꞌagna na, nei phei chauchau balu garofadi, nei vido te keli ka khebugna na.

Levitikas 6:12

Eghuteuna khaꞌaghi ka olta na mala dudulu fabrahu, theome mala lehe. Leuleghu hamerane na mae pris ginauna ke nhaꞌa lao keha gaju tagna, eghuteuna lilisei fafara te thofno krono na ke kligna olta, eghuteuna mana gnubra garofadi fafara igre mala laseni mare te au fakeli balugu iara na.

Levitikas 4:35

Mae tuana ginauna atha fadelei garofagna sipu igne, jateula teke atha fadelei mare garofagna sipu na ka fafara tuana mala laseni mare te au fakeli balugu iara na. Aonu pris igne mala gahu garofa igre ke kligna olta, mala kaisei nogu glepo blahi iara Lord. Ka puhi igne, pris tangomana te fafara te mala doglo mae igne ka tathagu iara na, eghuteuna iara ginauna atha fadelei nakhibogna mana re.”

Levitikas 4:31

Mae tuana atha fajifla gnafa garofagna nanigot igne, jateula teke atha fajifla mare garofadi glepo tautagu na ka fafara tuana te mala laseni te au fakeli mare balugu iara na. Aonu pris igne gahu garofa igre ke kligna olta, eghuteuna iara Lord keli tagu ka sisirigna na. Ka puhi igne, pris tangomana te fafara te mala teke doglo mae igne ka tathagu iara na, eghuteuna iara ginauna atha fadeleidi nakhibogna mana re.

Levitikas 4:26

Eghuteuna mana gahu fahui garofagna re ka olta na jateula teke gahu mare fafara tuana te mala laseni te au fakeli balugu iara na. Ka puhi tuana, pris tangomana te fafara te mala doglo mae lida igne ka tathagu iara na, eghuteuna iara ginauna atha fadeleidi nakhibogna mana re.”

Levitikas 1:15

Mae pris ginauna atha mei nanghaji igne ka olta na, eghuteuna pala mei ke ulugu iara mala pipiruki graragna na mala lehe naꞌa, eghuteuna kusu koko phaꞌugna nanghaji igne ke kligna olta. Nu mana kulu totofa dadaragna nanghaji igne ka gerigna olta na.

Eksodas 29:25

Iagho atha glepo igre ka mare, eghuteuna thofno gahu ka olta ke kligna gna sipu ululahu teke gahuhi iagho igne. Glepo igre kaisei thufa blahi ranghi ghau iara Lord, eghuteuna famane sisiri gna na iara ginauna glealeꞌa fara tagna.

Eksodas 29:22

“Fapea sipu igne, fafara mala taofi mae pris. Iagho vavahe garofa gna sipu igne, balu sekogna te au kmana tagna na, eghuteuna garofa igre thafru lamna ka thiꞌagna na. Eghuteuna iagho atha famane vido ka khebugna na, nei phei chauchau gna balu garofadi, nei grege ghahe fei nhetagna.

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 12:9

Ghotilo thosei ima nafnahi te theome muita, ba thosei gahu ka suspen. Ghotilo gahu ka khaꞌaghi kolho. Ghotilo gahu mala ima phaꞌu, ghahe, khame nei unha te au ka thiꞌa gna na.