Eksodas 29:11 - Buka Blahi Ka Cheke Holo

¹¹ Iagho aknu falehe buluka tuana ke ulugu iara Lord, thofno ke ulugna grengatha gna Suga Tapuale te Blahi na.

Eksodas 29:11 ပူးပေါင်းရင်းမြစ်များ

Levitikas 9:12

Ke leghu, mae Eron ne aknu falehe sipu nalhaꞌugna na mala eni fafara te thofno krono na. Thugna mana igre falao ka mana dadaragna sipu teke aknu falehe mana igne ne totofa ka fati philegna olta na.

Levitikas 9:8

Aonu mae Eron ne tei ka olta na ne aknu falehe buluka majaghani nalhaꞌugna na ne fafara mala doglo thegna ka tathagna Lord.

Levitikas 8:15

Mae Moses aknu falehe buluka nalhaꞌugna igne. Aonu mana ne tihi lao geghesugna na ka dadara na ne ghiha ka fati honagna olta na. Eghuteuna mana atha vido dadara teke au tekuna ne tofa soru ka pesigna olta na. Ka puhi igne mana ne faklinoni olta igne ka tathagna Lord.

Eksodas 29:4

Iagho atha Eron baludi thugna ra mala mei kegra ka grengatha gna Suga Tapuale te Blahi na mala thafoni God, eghuteuna iagho faꞌapudi mala gae ka tathagu iara na.

Eksodas 29:10

“Iagho atha mei buluka nalhaꞌugna na ke ulu Suga Tapuale te Blahi, eghuteuna chekeni Eron baludi thugna ra mala habo ka phaꞌugna na.

Eksodas 29:12

Iagho atha katha dadara, eghuteuna nhaꞌa lao geghesumu na lamna, eghuteuna ghiha ka fati khukrugna olta na. Eghuteuna iagho atha dadara te au teu igne mala tofa ka pesigna olta igne.

Levitikas 3:2

Mana mala habo khamegna na ka phaꞌugna buluka igne mala laseni fafara igne te nogna mana na. Eghuteuna mana mala aknu falehe ka grengathagna Suga Tapuale te Blahi na, aonu pris thugna mae Eron igre fuafusa dadara igne ka fati philegna olta na.

Levitikas 14:13

Mana mala aknu falehe sipu igne lamna ka vido gna Suga tapuale te Blahi na, ka vido te mala aknu falehe glepo tautagu gna fafara tuana mala ke doglo naikno na ka tathagu iara na eghuteuna fafara te thofno knoro. Igne mala aknu falehe ka vido tuana naugna nafnahi gna poloru fafara tuana mala ke doglo naikno na ka tathagu iara na fafara te thofno krono tuana. Mana mala aknu falehe ka vido tuana naugna nafnahi gna poloru fafara tuana thofno blahi fara, eghuteuna mala ghedi mae pris kolho jateula nafnahi gna fafara tuana mala ke doglo naikno na.

Levitikas 4:4

Mana atha mei ka iara buluka nalhaꞌugna igne ka grengatha gna Suga Tapuale te Blahi na, eghuteuna mana habo lao ka phaꞌugna buluka nalhaꞌugna igne mala falalase nogna fafara mana na, eghuteuna mana aknu falehe buluka igne ke ulugu iara Lord.