Eksodas 28:41 - Buka Blahi Ka Cheke Holo

⁴¹ Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Eksodas 28:41 ပူးပေါင်းရင်းမြစ်များ

Eksodas 29:7

Eghuteuna iagho atha oel blahi igne mala tofa ka phaꞌugna mana na mala taofini mana.

Levitikas 10:7

Ghotilo thosei jifla ka grengathagna Suga tapuale te Blahi na. Jame te jifla ghotilo ka vido tuana na, ghotilo ginauna lehe, naugna iara neke taofi ghami ghotilo hi ka nogna oel blahi Lord.” Aonu thilo mare ne eni jateula teke chekeni mana na neu.

Eksodas 40:15

mala fablahi di jateula teke fablahi iagho kmadi mare ia eghu mala loku ranghi ghau iara. Puhi te fablahi mae pris igne ginauna eghu fabrahu, eghuteuna iheire nate karha mei ke leghudi mare igre mala pris mala loku ranghi ghau iara.”

Eksodas 29:9

balu nodi khepi mae pris. Iagho jaola atha nodi nhugha mare, mala fahaghe mae Eron baludi thugna manare. Igne puhi te mala leghuni iagho kate taofi pris Eron baludi thugna mana re. Ginauna vikegna Eron igre mala nogu pris iara fabrahu, eghuteuna leuleghu fata na mare ginauna mala loku ranghi ghau iara. “Nogu vetula iara igne ginauna au fabrahu na theo ka huigna.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Ululahu Jone 2:20

Nu ghotilo theome jateula mare eghu, eigna mae Tharunga te Blahi neke meihi ke klignami ghotilo. Eghume ghotilo te gnafa na laseni cheke te tutuani na.

Hibru 5:4

Kaisei glepo te mala ghathoni tahati na, theo kaisei naikno te vahini thegna te mala mae pris biꞌo na. Nu thegna God ngala te tangomana te mala vahini mae ihei te mala mae pris biꞌo na, jateula ngau God teke vahini mae Eron tifa ia eghu.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Profet Esikiel 43:26

Leuleghu narane ka fafitu narane na, hatimare mae pris mala eni fabrahu igne mala klino olta na ka tathagu iara na.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Profet Isaia 10:27

Ka narane igne, iara ginauna hata fadelei puhi biꞌo teke edi naiknodi Asiria ka ghotilo ra.

Naba 3:3

Moses gne neke tofa oel ka thugna mae Eron gre neke fablahidi mala mae pris.

Eksodas 29:35

“Igne u vetula te mala leghuni iagho kate taofi pris di iagho mae Eron nei mae thugna mana re teuna. Iagho eni igne nabagna fitu narane, thofno leghuni unha te chekeni iara ka iagho igne.

Eksodas 29:24

Iagho atha bret baludi nafnahi igre, eghuteuna lisa lao ka khamegna Eron nei ka thugna mana re, eghuteuna iagho cheke ka mare mala pala mei haghe ke ulugu jateula kaisei thufa eghu ka iara.

Eksodas 28:4

Iagho mala chekedi mare mala susuki kaisei paos mala babaꞌo ka babango gna na, balugna kaisei pohe te kiloni mare efod, nei kaisei pohe te kiloni tunik, eghuteuna keha pohe brahu na mala fahaghe ke kligna pohe tunik. Eghuteuna mare mala eni kaisei khepi, nei kaisei nhugha brahu ka pohe. Mare mala susuki pohe igre malagna thabusimu Eron baludi thugna mana ra, mala tangomana mare te loku ranghi ghau iara jateula pris eghu.

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Eksodas 40:13

Iagho ginauna falao nogna pohe Eron ia mala fahaghe mana. Eghuteuna iagho atha oel blahi ia mala tofa lao katha tagna, mala fablahi ni mana, eghuteuna mana ginauna pris mala loku ranghi ghau iara.

Levitikas 16:24

Eghuteuna mana mala apu ka vido blahi tuana, eghuteuna ke leghu mana mala fahaghe keha pohe mala eni nogna gloku na. Mana fahaghe nogna pohe ne jifla kosi mala fafara sipu nalhaꞌugna te thofno krono fara na mala hata fadelei nakhibo gna thegnare, eghuteuna mana fafara keha sipu nalhaꞌu gna na mala thofno krono fara mala hata fadelei nakhibodi naiknore.

Eksodas 30:35

eghuteuna iagho horo insens tagna mala gahu ka olta. Iagho toho fodu glepo igre tagna ka puhi te mala horo insens te famane sisisri keligna. Eghuteuna iagho nhaꞌa lao katha tahi balu insens te keli fara nei blahi teu igne.

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.