Eksodas 28:4 - Buka Blahi Ka Cheke Holo

⁴ Iagho mala chekedi mare mala susuki kaisei paos mala babaꞌo ka babango gna na, balugna kaisei pohe te kiloni mare efod, nei kaisei pohe te kiloni tunik, eghuteuna keha pohe brahu na mala fahaghe ke kligna pohe tunik. Eghuteuna mare mala eni kaisei khepi, nei kaisei nhugha brahu ka pohe. Mare mala susuki pohe igre malagna thabusimu Eron baludi thugna mana ra, mala tangomana mare te loku ranghi ghau iara jateula pris eghu.

Eksodas 28:4 ပူးပေါင်းရင်းမြစ်များ

Thakle 9:17

Aonu iara ne filodi hose igre baludi mae iheire te gnokro teu ke klignadi. Mare fahaghe phoko aean te ukru fara, pipito, nei rija eghu. Pha'udi hose igre jateula pha'u lion eghu. Hose igre jifla mei khaꞌaghi, gagahu, nei thina ngaja eghu ka foflodire.

Efesus 6:14

Eghume, ghotilo kegra heta balugna nomi nhugha mala magra na, igne u cheke te tutuani na. Eghuteuna fahaghe nomi phokore, igne puhimi ghotilo te doglore.

Ululahu Tesalonika 5:8

Nu tahati nogna narane. Eghume tahati reireghi fakeli ghita theda. Noda fatutuani nei noda namha ranghini God jateula noda greoreo, nei noda grouronu te mala hatini tahati u karha fei tifa na jateula noda khepi eghu.

Profet Isaia 59:17

Puhigna Lord te doglo igne jateula phoko aean mala magra ra eghu, eghuteuna nogna nolaghi mana te mala fakarha naikno igne, jateula khepi eghu. Eghuteuna gaoghathogna mana te rheta te mala fadoglini puhi te theome doglo igne, jateula kaisei pohe te mala pipichi ra eghu.

Profet Isaia 11:5

Mana ginauna funei frunidi nogna naiknore ka puhi te doglo ka tathagna God. Eghuteuna leuleghu fata na mana ginauna leghudi fabrahu nogna vetula God re.

Fapea Samuel 6:14

Ka narane igne mana ne fahaghe kaisei phoko blahi te kiloi mare efod, jateula mae pris neu ne ragi balu kilo fnaknoni Lord.

Ululahu Samuel 30:7

Aonu mana tei ne filoni mae pris Abiata, thugna mae Ahimelek. Aonu mana ne cheke eghu ka mae Abiata, “Atha mei efod blahi ia mala tarai ka Lord.” Aonu mae Abiata atha ne mei phoko blahi igne.

Ululahu Samuel 23:6

Ka narane te rikha te mei mae pris Abiata thugna mae Ahimelek te tei balugna mae Devet Keila igne, mana atha ne mei balugna efod blahi te mala tarai ka God igne.

Ululahu Samuel 22:18

King Sol ne cheke eghu ka mae Doeg, “Tei sagho aknu falehe mae pris are!” Mae Doeg maegna Idom igne tei ne aknu falehe ne gnafa mae pris re. Aonu ka narane tuana, mana ne aknu falehe nhanasalei glima mae pris te kafe fahaghe nodi phoko blahi re. Mana jaola ne tei Nob ne aknu falehe ne hui mae nalhaꞌu, gaꞌase, goro sua nei thudi teke karhala. Mana aknu falehe nodi buluka, nodi dongki nei sipu teure.

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Eksodas 39:28

Eghuteuna mare atha famane pohe vegha mala susuki nogna khepi Eron, nei nodi khepi thugna mana re, nei nodi trasis kmo'ei mare.

Eksodas 25:7

famane thina ukru te kiloi soham, baludi keha nafnata famane thina mala famamhaku ka nodi phoko blahi te brahu hatimare mae pris te kiloi efod, nei paos te fagefe soru mare ka babango dire.

Eksodas 29:6

Iagho nhaꞌa lao nogna khepi mae pris biꞌo na ka phaꞌugna mana na, eghuteuna iagho atha gol medol blahi na famamhaku ke ulugna khepi igne.

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.