Eksodas 28:38 - Buka Blahi Ka Cheke Holo

³⁸ Eron mala lilisei medol igne ka grere gna na. Igne fagaglana te atha mana glepo te jafra glahu te edi naiknodi Israel kate fafara mare ka iara. Mana mala eni igne mala gleꞌa iara Lord ka glepo blahi te tusu mei mare ka iara.

Eksodas 28:38 ပူးပေါင်းရင်းမြစ်များ

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Naba 18:1

Lord ne cheke eghu ka mae pris Eron, “Jame kaisei glepo diꞌa thokedi glepo blahi igre ba Sugablahi igne na, iagho baludi thumure nei ihei ka vikegna mae Kohat teure, ghotilo tangomana au papara eigna igne. Nu iagho nei mae thumure eghu kolho mala mae pris na, eghuteuna jame te loku fadiꞌa ghotilo eigna nodi gloku mae pris na, ghotilo kolho ginau jaola au papara eigna igne.

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Profet Isaia 56:7

Iara ginauna atha mei ghami ghotilo ka nogu Thogele Blahi iara Saion. Iara ginauna fagleꞌa ghami ghotilo ke lamnagna nogu suga tharai na. Eghuteuna iara ginauna keli tagu ka fafara te edi ghotilo ke kligna gna nogu olta iara na. Naugna nogu Sugablahi iara igne suga tharai mala tarai naikno te gnafa ka kantri te gnafa igre.

Levitikas 23:11

Eghuteuna ka narane ke leghugna narane Sabat, pris igne mala hata gano saro ulu igne, mana pala mei ke ulugu iara jateula kaisei fafara te tusu mei mala kelitagu iara balumi ghotilo.

Levitikas 22:27

“Jame kaisei sua buluka, ba sua sipu, ba sua nanigot karha majaghani, khudau mala au balugna idogna na nabagna fitu narane. Ke leghu gna te gnafa fitu narane igre, naba ghotilo te hata te mei te mala fafara ke kligna olta mala tusu mei jateula glepo blahi eghu ka iara Lord.

Levitikas 22:9

“Hatimare mae pris mala leghudi unha teke chekedi iara mala edi mare teku ra, glahu papara nei lehe eghu mare te theome leghudi nogu farirhiu iara igre. Iara Lord, mae ihei teke fablahidi mare.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Profet Isaia 60:7

Mare ginauna atha mei famane sipu funu Keda nei Nebaeot, eghuteuna Lord ginauna kelitagna fara te atha te mei naiknore sipu igre te mala fafara ke kligna nogna olta Lord. Aonu Lord ginauna fafnaknoni nogna Sugablahi na, eghuteuna naikno te gnafa ka nauthoglu igne ginauna kilo fnaknoni mana.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Levitikas 22:16

Jame pris snakreni mae ihei te theome nabagna te mala ghamu gano blahi igne na, nabagna na mae igne papara eigna igne. Iara Lord, mae ihei teke edi fablahi igre.”

Eksodas 28:43

Eron baludi thugnare mala fahaghe trasis igre kate mei mare lamna ka Suga Tapuale te Blahi na mala thafoni God, ka narane te mei loku mare ka olta ke lamnagna Chogho Blahi na. Mare mala eni igne, glahu lehe mare. “Eron baludi thugna re, nei iheire nate karha mei ke leghu re, mala leghuni fabrahu vetula igne.”

Eksodas 28:37

Eghuteuna mare na atha kaisei vido gnarho blu ne famamhaku medol igne mala fagegefe ke ulugna khepi te fahaghe mae pris biꞌo na.