Eksodas 28:3 - Buka Blahi Ka Cheke Holo

³ Eghuteuna iagho mala kilo meidi mae teke tusu lao iara glalase tadi ra mala susuki nodi pohe mae pris. Mare mala susuki pohe malagna Eron, mala taofini mana mala loku jateula pris biꞌo eghu.

Eksodas 28:3 ပူးပေါင်းရင်းမြစ်များ

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Eksodas 35:35

Lord ne tusu lao glalase ka phia mare mala kato thina te keli mala lalaoni gobigna lepo, nei mala edi keha nafnata glepo nate edi phia mare, nei mala edi famane pohe vegha, nei mala valakasi pohe ka ghajo te blu, ba ngonge, ba ukru, nei jaola mala edi keha nafnata pohe. Phia mae igre thofno lalase fara te mala ghaoghathodi thua nafnata glepo te keli, eghuteuna phia mare jaola tangomana te mala edi gobigna gloku re.

Eksodas 35:30

Moses ne cheke eghu ka naiknodi Israel, “Lord la vahinihi Besalel thugna Uri, gragna Hua ka vikegna Juda.

Eksodas 35:25

Goro gaꞌase te gnafa iheire te lasedi fara te edi ghajo maladi famane pohe vegha, ba te mala edi ghajo te blu, ba ngonge, ba ukru, ba edi ghajo ka khakla nanigot, mare atha mei nafnata ghajo igre.

Eksodas 35:31

Eghuteuna Lord ne snakreni Tharunga gna na mala au balugna Besalel, ne tusu ranghini mana gaoghatho te keli nei glalase, mala lasedi nei edi eghu mana thua nafnata gloku te keli.

Eksodas 36:1

“Besalel ghe Oholiab, eghuteuna keha mae teke tusu ranghidi Lord glalase nei famane gaoghatho te keli teu igre mare mala edi glepo ka nogna Suga Tapuale te Blahi mana na, mae igre mala famane edi gobigna lepo igre jateula teke chekedi Lord re eghu.”

Eksodas 35:10

Moses ne cheke eghu ka mare, “Mae te gnafa ka ghotilo te thofno lasedi gloku igre, mare mei mala edi glepo teke chekedi Lord mala edi tahati teku ra.

Eksodas 36:2

Moses ne kilodi Besalel ghe Oholiab, nei keha mae iheire Lord teke tusu lao glalase ka mare mala edi mare gloku re, nei iheire te sasaꞌa mala totogho. Kate kafe mei mare na, mana cheke ka mare mala fufunu gloku igne.