Eksodas 28:28 - Buka Blahi Ka Cheke Holo

²⁸ Aonu mare na atha phei gnarho blu, eghuteuna famamhaku phei ring igre ke pari gna paos igne mala tudu ka phei ring gna efod. Gnarho blu igne mala haru fakeli paos igne ka thagrugna nhugha gna efod igne mala theome tangomana te thugha tafri na.

Eksodas 28:28 ပူးပေါင်းရင်းမြစ်များ

Naba 15:38

“Cheke ka naiknodi Israel are, mare ginauna theome gnafa te susuki fodu keha gnarho kmo'e mala fagefe ka khukrudi nodi pohere. Eghuteuna kaisei pohe blu mala au bukrei gnarho kmo'e te susuki fodu mare re.

Eksodas 28:37

Eghuteuna mare na atha kaisei vido gnarho blu ne famamhaku medol igne mala fagegefe ke ulugna khepi te fahaghe mae pris biꞌo na.

Eksodas 28:31

Mare na eni keha pohe na malagna Eron mala kulu fahaghe, eghuteuna ame fahaghe nga mana efod igne ke kligna. Mare na eni pohe igne ka famane pohe blu.

Eksodas 25:7

famane thina ukru te kiloi soham, baludi keha nafnata famane thina mala famamhaku ka nodi phoko blahi te brahu hatimare mae pris te kiloi efod, nei paos te fagefe soru mare ka babango dire.

Eksodas 28:8

Eghuteuna mare ke jaola eni ngala keha nhugha na ka efod igne mala kaisei nanaba pohe ghe ghajo igre, mala thofno horoghoto ka efod igne mala haru famaku ka soro na lithu ka thiꞌa na.

Eksodas 28:27

Eghuteuna mare nake edi keha phei ring ka gol, mala famamhaku ka pesi gna nhugha fafra gna efod, rhegna vido te mala tudu ka famane nhugha lithui ka thiꞌa gna na.

Eksodas 28:29

“Kate mei Eron ke ulugu iara Lord lamna ka Chogho Blahi na, mana mala babaꞌo ka babango gna na paos te au nanghadi nabotho phei vikegna Israel igne, mala tangomana iara te ghatho ghami ghotilo fabrahu na.

Eksodas 39:41

Nodi pohe blahi mae pris te mala fahaghe kate loku mana ke lamna gna Chogho Blahi na. Igre pohe blahi Eron nei thugna mana re eghu kate fahaghe mare kate loku mare ka Suga Tapuale te Blahi na.