Eksodas 28:18 - Buka Blahi Ka Cheke Holo

¹⁸ Fapea thura na, mare na famamhaku kaisei thina kakarha mare kiloi nofek, eghuteuna kaisei thina blu mare kiloi sapia, eghuteuna kaisei thina vegha mare kiloi iahalom.

Eksodas 28:18 ပူးပေါင်းရင်းမြစ်များ

Thakle 4:3

Eghuteuna mae ihei te gnokro teu ka nogna sape nafnakno mae King na igne, iara filoni thinigna mana na siasigla jateula phei famane thina jaspa nei konilian eghu. Eghuteuna falithuni nogna sape nafnakno mae King igne iara jaola filoni kaisei maja te siasigla jateula kaisei famane thina emaral.

Profet Esikiel 28:13

Iagho neke au ka famane namono Iden neke lalaoni ka famane thina ukru te kiloni odem, nei thina te rija te kiloi piteda, nei thina vegha te kiloi iahalom, nei thina rija te kiloi tasis, nei thina ukru te kiloi soham, nei thina kakarha te kiloi iasefe, nei thina pipito te kiloi sapia, nei thina kakarha te kiloi nofek, nei thina kakarha te kiloi bareket. Famane thina te gnafa igre siasigla faligoho nigho iagho. Iagho jaola fahaghe glepo teke horo mare ka gol mala famane iagho fifilomu na. Ka narane tuana iara neke vuavuha nigho iagho, iara jaola neke horo glepo igre mala nou iagho.

Profet Esikiel 27:16

“ ‘Maedi ka kantri Siria ei bisnis balumu iagho naugna mare foli famane glepo ka iagho ka famane pohe te ngonge, nei pohe te susuki thotoghale tagna mala lalaoni, nei famane pohe vegha nei famane thina te ukru nei kakarha te au ke lamna thongna nei te au ka moumolu.

Profet Esikiel 10:1

Ka mifi igne, iara ne filo haghe ne filoni kaisei glepo jateula nogna chea biꞌo king teke horo ka famane thina sapia ra eghu, eghuteuna chea igne au ke kligna phaꞌudi engel igre.

Profet Esikiel 1:26

Ke klignadi mare ka suga igne, kaisei glepo jateula nogna sape nafnakno king teke horo ka famane thina te kiloni sapia eghu au tagna. Eghuteuna iara ne filoni kaisei glepo jateula kaisei mae eghu gnokrou tagna.

Profet Jeremaea 17:1

Lord ne cheke eghu, “Ghotilo naiknomi Juda. Ghotilo theome tangomana te koko puhimi te diꞌare, eghuteuna nagnafami ghotilore maku jateula thina eghu. Eghuteuna keha ka ghotilo ghagra nanghadi nakhibomire ke kligna thina. Eghuteuna mare jaola rioriso nanghadi nakhibomi ghotilore ka honagna nomi olta ghotilo te mala pogho soru ka nomi mumujure.

Famane Khoje 5:14

Phei khamegna re famane rheta fara, jateula gol te lilisei thofno thina mare tagna. Thiꞌa nei babango teu mana re salhu nei maku jateula kaisei famane glepo te lalaoni mare ka kheꞌi elefant eghuteuna lalaoni ka famane thina blu.

Thoutonu Eigna Mae Job 28:16

Naikno na theome tangomana te foli ka famane gol, ba ka famane thina te ninhigrana fara, te mala hata glalase na.

Thoutonu Eigna Mae Job 28:6

Ka thina igre, mare dedi famane thina nei gol.

Eksodas 39:11

Fapea thura na, mare famamhaku kaisei thina kakarha mare kiloi nofek, eghuteuna kaisei thina blu mare kiloi sapia, eghuteuna kaisei thina vegha mare kiloi iahalom.

Eksodas 28:17

Ke ulugna paos igne, mare famamhaku fati thura ka famane thina. Ka thura ulu lahu na, mare famamhaku kaisei thina ukru mare kiloi odem, eghuteuna kaisei thina rija mare kiloi piteda, eghuteuna kaisei thina kakarha mare kiloi bareket.

Eksodas 28:19

Ka fatilo thura, mare na famamhaku kaisei thina ukru mae kiloni lesem, eghuteuna kaisei thina vegha mare kiloi sebo, eghuteuna kaisei thina ngonge mare kiloi ahelama.