Eksodas 28:17 - Buka Blahi Ka Cheke Holo

¹⁷ Ke ulugna paos igne, mare famamhaku fati thura ka famane thina. Ka thura ulu lahu na, mare famamhaku kaisei thina ukru mare kiloi odem, eghuteuna kaisei thina rija mare kiloi piteda, eghuteuna kaisei thina kakarha mare kiloi bareket.

Eksodas 28:17 ပူးပေါင်းရင်းမြစ်များ

Profet Esikiel 28:13

Iagho neke au ka famane namono Iden neke lalaoni ka famane thina ukru te kiloni odem, nei thina te rija te kiloi piteda, nei thina vegha te kiloi iahalom, nei thina rija te kiloi tasis, nei thina ukru te kiloi soham, nei thina kakarha te kiloi iasefe, nei thina pipito te kiloi sapia, nei thina kakarha te kiloi nofek, nei thina kakarha te kiloi bareket. Famane thina te gnafa igre siasigla faligoho nigho iagho. Iagho jaola fahaghe glepo teke horo mare ka gol mala famane iagho fifilomu na. Ka narane tuana iara neke vuavuha nigho iagho, iara jaola neke horo glepo igre mala nou iagho.

Proveb 8:11

Glalase na thofno keli fara uludi buli ghe daemon, theo kaisei glepo te magnahagheni fara iagho na te uluni na.

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Lamentations 4:7

Tifa na, mae biꞌore neke klino fara, neke famane filodi re. Mare nheta fara eghuteuna theo kaisei fogra te tangomana te thokedi mare.

Proveb 31:10

Ninhigrana fara te khaeni iagho thofno gaꞌase te mala tolaghi tagna na. Nafnata gaꞌase igne famane fara salaꞌuni thina rubi.

Proveb 20:15

Nogna cheke mae te fodu ka gaoghatho te keli na uludi fara gol, buli nei daemon.

Proveb 3:15

Gaoghatho te keli na thofno keli fara uludi buli ghe daemon, theo kaisei glepo te magnahagheni fara iagho na te tangomana te uluni na.

Eksodas 28:11

Iagho vahini kaisei mae te lase ghagra nanghadi mare ke klignadi phei thina igre. Eghuteuna mare atha famane gol mala edi phei glepo jateula sisi ikodi te mala loku ka phei thina igre eghu.

Eksodas 28:9

Mare atha phei famane thina ukru te kilodi soham, eghuteuna mare ghagra nanghadi nabotho phei thugna Jekop re ka phei thina igre.

Eksodas 28:16

Mare na lolhopo pohe igne mala eni paos, mala kaisei nanaba, brahu gna nei krepa gna teu re varadaki phei sentemita.

Eksodas 28:18

Fapea thura na, mare na famamhaku kaisei thina kakarha mare kiloi nofek, eghuteuna kaisei thina blu mare kiloi sapia, eghuteuna kaisei thina vegha mare kiloi iahalom.