Eksodas 27:21 - Buka Blahi Ka Cheke Holo

²¹ Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Eksodas 27:21 ပူးပေါင်းရင်းမြစ်များ

Naba 19:21

Igne vetula te mala leghuni ghotilo tifa tifa. “Mae ihei te mala fuafusa khoꞌu blahi te mala klino naikno ra, mana jaola mala wasi nogna pohe re. Eghuteuna ihei te habo ka khoꞌu blahi igne na, mana mala theome klino ka tathagu iara na ghilei rafi.

Naba 18:23

Vikegna Livae kolho te mala reireghini Suga Tapuale te Blahi na. Eghuteuna jame kaisei mae theome leghuni vetula gna Suga Tapuale te blahi na, vikegna Livae igne naba te papara na. Mare mala leghuni fabrahu vetula igne. Vikegna Livae igre ginauna theome khotogna kaisei vido glose.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.

Ululahu Samuel 3:3

eghuteuna mae Samuel thuru neu ka nogna Sugablahi Lord aheva te au teu Bokis Nhaꞌa Cheke na. Namo rane kate phae teu Juta gna Chogho Blahi na,

Levitikas 16:34

“Vetula igre ghotilo mala leghudi fabrahu. Kaisei narane kolho leghu finogha na ghotilo mala edi glepo igre ka narane biꞌo igne mala hata fadelei nakhibomi te gnafa ghotilore.” Eghume, Eron neke leghudi unha teke chekedi Lord ka Moses.

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Eksodas 30:8

Eghuteuna grafiro, ke leghugna te fakasa juta na igre, mana gahu insens ke kligna olta. Puhi te mala gahu insens igne jateula te fafara ka Lord eghu, vikegna Eron igre ginauna mala leghuni fabrahu puhi igne.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Ululahu Samuel 30:25

Aonu mae Devet ne eni vetula igne, eghuteuna funu ka narane igne, hatimare mae Israel leghuni vetula igne ne ghilei mei posa ka narane igne.

Eksodas 28:43

Eron baludi thugnare mala fahaghe trasis igre kate mei mare lamna ka Suga Tapuale te Blahi na mala thafoni God, ka narane te mei loku mare ka olta ke lamnagna Chogho Blahi na. Mare mala eni igne, glahu lehe mare. “Eron baludi thugna re, nei iheire nate karha mei ke leghu re, mala leghuni fabrahu vetula igne.”

Thakle 2:1

Mae igne ne cheke eghu ka iara, “Iagho rioriso kaisei letas ranghini engel gna khiloau Efesus, eghuteuna iagho cheke eghu ka mana: Igne nogu cheke iara mae te louloku fitu nathunu fei nhetagu, nei nonolo farihoteidi fitu juta teke hohoro ka gol gre teuna.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Luku 12:35

Mae Jisas ne cheke eghu, “Ghotilo tarabana nomi koba leghu fata jateula kaisei mae gloku te kulu fakasa nogna juta na nei kulu famamhaku nogna phipichi na teu ia eghu.

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Nodi Khoje Hatimare Mae Jiu 134:1

Ghotilo nogna mae gloku Lord te gnafara, ghotilo iheire te loku bongiro ke lamna Sugablahi ra eghu mei kilo fnaknoni mana.

Naba 8:9

Eghuteuna mae pris Eron ginauna na kilo meidi naikno te gnafa Israel mala mei khapru mare. Eghuteuna mana ginauna ke kilo meidi vikegna Livae mala kegra ke ulugna Suga Thapuale te blahi na.

Levitikas 24:9

Bret igre ghegna pris biꞌo baludi tharakna gna mana re. Bret igne ghedi mare fabrahu. Eghuteuna mare ghamu lamna ka vido aheva te blahi na naugna kaisei baludi glepo blahi te famei ka iara Lord.”

Levitikas 24:3

Leuleghu bongi na, Eron fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo mala leghuni fabrahu vetula igne.

Levitikas 3:8

mana habo khamegna na ka phaꞌugna sipu igne, eghuteuna mana aknu falehe sipu igne ke ulugna Suga Tapuale te Blahi igne. Aonu mae pris ka thugna mae Eron igne atha dadaragna sipu igne mala fuafusa ka fati philegna olta na.

Eksodas 40:3

Iagho atha Bokis Blahi gna Nhaꞌa Cheke. Nabotho Vetula te au ka phei thina tataba igre mala nhaꞌa lao lamna ka Bokis Blahi igne, eghuteuna lilisei lamna Suga Tapuale te Blahi igne, eghuteuna fagefe lao pohe igne mala fofota chogho igne ka phei vido, mala fofotho chogho te au teu Bokis Blahi igne.

Eksodas 30:36

Iagho atha katha vido ka insens igne, eghuteuna iagho ngunghuja ghilei vuhai paoda. Aonu, iagho atha tei lamna Suga Tapuale te Blahi mala thafo ghau iara, eghuteuna lisei lao ke kligna olta te au ke ulugna vido aheva te au Bokis Blahi te au Nhaꞌa Cheke tagna, aheva iara nate thafo nigho tagna na.

Eksodas 29:44

“Iara thegu ginauna fablahi Suga Tapuale te Blahi nei olta teu igre. Eghuteuna iara thegu ginauna fablahini Eron baludi thugna manare mala loku ranghi ghau iara jateula pris eghu.

Eksodas 29:42

“Leuleghu fata na, ghotilo baludi iheire nate karha mei ke leghumi ghotilore ginauna edi phei fafara ka grengatha gna Suga Tapuale te Blahi te mala thafoni God. Eghuteuna ka vido igne, iara ginauna thafo ghami ghotilo, mala cheke balumu iagho.

Eksodas 29:28

Igne vetula te mala leghuni fabrahu naiknodi Israel. Leuleghu fata fafara na mare gahu kolho vidogna na, eghuteuna mare ghamu keha vidogna na mala laseni mare te fofodu balugu iara na. Mare mala tusu lao phei vido igre ka mae Eron baludi mae pris ka vikegna mana mala ghamu. Igne nodi thufa naiknodi Israel ka iara Lord.

Eksodas 25:16

Eghuteuna phei thina tataba te rioriso soru nogu Nhaꞌa Cheke iara ke klignadi igre, iara ginauna tusu ari ka ghotilo, eghuteuna ghotilo mala lilisei phei thina igre ke lamna bokis.

Eksodas 16:34

Aonu mae Eron ne leghuni nogna cheke Lord na ne ginauna lilisei suspen “manna” na rhegna Bokis Nhaꞌa Cheke na.

Jenesis 1:8

God ne kiloni kligna na “Maloa.” Rafi soru nei hamerane haghe. Igne fapea narane na.

Jenesis 1:5

God ne kiloni naphae igne “Narane” eghuteuna gromno na mana ne kiloni “Bongi.” Rafi soru nei hamerane haghe. Igne narane ulu lahu na.

Levitikas 24:2

“Cheke ka naiknodi Israel, mare mala hata mei thofno famane oliv oel maladi juta di Thaba mala lilisei Juta lamna ka Suga Tapuale te Blahi na, mala phae fabrahu.

Naba 18:5

“Iagho nei mae ka vikemu iaghore eghu kolho te mala loku ka chogho te blahi nei ka olta na, mala theome tangomana iara te diꞌatagu ka naiknodi Israel re.

Eksodas 12:14

“Ghotilo mala ghathoni fabrahu narane tuthuana igne leuleghu finogha. Ghotilo mala gleale'a balu gaghamu biꞌo eigna unha teke eni iara ranghi ghami ghotilo na. Eghuteuna iheire nate karha mei ke leghumi ghotilo ginau re mala jaola eni gaghamu biꞌo igne.”

Levitikas 7:36

Ka narane tuana, Lord neke cheke ranghidi naiknodi Israel mala atha tei phei nafnahi igre, nafnahi teke fafara fabrahu ka hatimare mae pris, igne kaisei vetula te mala leghuni fabrahu mare na.

Levitikas 10:9

“Jame iagho ba kaisei thumu iagho koꞌu waen ba beer, ghotilo thosei mei ruma lamna ka Suga tapuale te Blahi igne. Jame kaisei ka ghotilo huhughuni blahi igne mana ginauna lehe. Igne kaisei vetula te mala tathaji fabrahu tharaknamu iagho na.

Levitikas 17:7

Aonu ghotilo mala thosei ke fafarai ka nanigot naitu tuana, naugna puhi igne jateula gaꞌase te tei balugna mae te theome khetogna naꞌa ia eghu. Igne vetula te mala leghuni fabrahu ghotilo na.

Levitikas 23:14

Blahi te ghamu ghotilo gano saro ulu ka nomi nagare are, neuba ne famane, ba ghotilo gahu, ba ghotilo ei bret tagna, ghilei thokeni narane te fafara ghotilo ka iara na. Igne kaisei vetula te mala leghuni fabrahu ghotilo na, neuba ghotilo ne au ka namono aheva.”

Levitikas 23:21

Ghotilo mala thosei eni kaisei gloku ka narane biꞌo igne, ghotilo mala kafe mei mala kilo fnakno ghau iara. Igne vetula gna narane biꞌo te mala leghuni fabrahu ghotilo ka vido te gnafa aheva te au ghotilo na.

Naba 35:29

“Vetula igre malami ghotilo gnafa ka namono te gnafa ghotilo are. Eghuteuna leuleghu fata na ghotilo mala leghudi fabrahu u vetula igre.