Eksodas 26:31 - Buka Blahi Ka Cheke Holo

³¹ “Mare na susuki kaisei pohe biꞌoi. Mae iheire te lase edi re, mare atha famane pohe vegha, nei ghajo blu, nei ghajo ngonge, nei ghajo ukru, aonu mare na susuki thotoghale di engel ka pohe biꞌo igne.

Eksodas 26:31 ပူးပေါင်းရင်းမြစ်များ

Matiu 27:51

Kate lehe mae Jisas na, pohe biꞌo teke gefe soru ke lamnagna Sugablahi na ne breku pea funu kligna thoke pari. Eghuteuna nakheu biꞌo na ne nghali nauthoglu na, eghuteuna thina biꞌo re ne phike pea.

Fapea Kronikols 3:14

Eghuteuna pohe te fagefe haghe mare te mala bobothogna chogho igne, mare horo ka famane pohe vegha, balu koten te pipito, te ukru nei te ngonge. Mare hata koten igre mala susuki thotoghale engel tadi.

Eksodas 36:35

Mare susuki kaisei pohe biꞌoi. Mae iheire te lase edi re, mare atha famane pohe vegha, nei ghajo blu, nei ngonge, nei ukru, aonu mare ne susuki thotoghale di engel ka pohe biꞌo igne.

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Eksodas 36:8

Eghuteuna mae iheire te lase loku fara igre, mare ne loku Suga Tapuale te Blahi igne. Mae igre ne eni ka nabotho vido famane pohe vegha, eghuteuna mare ne atha ghajo te blu, te ngonge, nei te ukru mala susuki keha thotoghale engel ka vido pohe igre.

Eksodas 26:1

Lord ne cheke eghu ke mae Moses, “Iagho ginauna eni kaisei nogu Suga Tapuale te Blahi iara ka nabotho vido famane pohe brahu te vegha. Iagho valakasi ka ghajo blu, nei ghajo ngonge, nei ghajo ukru. Eghuteuna mae ihei te lase eni gloku igne, mana mala susuki kaisei thotoghale engel ka vido pohe igre.

Efesus 2:14

Ka Kraes tahati gognaro na au ka pharikeli. Naugna kate snakreni thegna te mala lehe na, mae Kraes neke hata koko puhi naoka te fafnotadi fabrahu teu mae Jiu nei mae te theome mae Jiu. Mana neke salo fodudi mare mala kaisei naikno kolho.

Nonomho Te Keli Teke Risoi Mae Mak 15:38

Kate lehe mae Jisas na, pohe biꞌo teke fagegefe ke lamnagna Sugablahi te mala fofotagna vido te blahi fara na ne breku pea funu kligna thoke pari.

Famane Khoje 7:1

Kheraguo, iagho jateula thugna gaꞌase king eghu! Phei ghahemu baludi sadol igre famane fara. Grege ghahemu na thofno famane fara, jateula nogna gloku mae ihei te thofno lalase fara.

Nodi Khoje Hatimare Mae Jiu 137:5

Jerusalem, jame te theome ghatho nigho iara na, tibrini iagho khamegu iara gne eghu mala theome laseni iara te lalahu gita na.

Levitikas 16:15

“Eghuteuna ke leghu na, mana mala aknu falehe nanigot gna fafara te mala ke doglo ghotilo ka tathagu iara na. Eghuteuna mana mala hata mei dadara gna na lamna ka Chogho te Thofno Blahi fara na, eghuteuna mana mala fuafusa lao katha ka thotoku gna Bokis Blahi na nei ka glose ke ulugna Bokis Blahi na, jateula teke eni ka dadara gna buluka ia eghu.

Eksodas 40:21

Aonu Moses atha Bokis Blahi igne ne lisei lao lamna ka Suga Tapuale te Blahi na, eghuteuna mana atha pohe biꞌo igne mala fofota chogho na ka phei vido, eghuteuna fagefe lao mala bobotho vido aheva te au Bokis Blahi tagna na, igne thofno leghuni unha teke chekeni Lord ka Moses.

Eksodas 40:3

Iagho atha Bokis Blahi gna Nhaꞌa Cheke. Nabotho Vetula te au ka phei thina tataba igre mala nhaꞌa lao lamna ka Bokis Blahi igne, eghuteuna lilisei lamna Suga Tapuale te Blahi igne, eghuteuna fagefe lao pohe igne mala fofota chogho igne ka phei vido, mala fofotho chogho te au teu Bokis Blahi igne.

Eksodas 38:23

Eghuteuna mae teke toghoni mana na Oholiab, thugna Ahisamak ka vikegna Dan. Mae igne thofno laseni fara puhi te mala kato thina te mala lalaoni glepo igre, nei mala ghaoghaho di famane glepo te edi mana re. Eghuteuna mana jaola lase fakelidi te mala edi famane pohe vegha, nei mala lalaoni pohe re ka ghajo blu, nei ngonge, nei ukru.

Eksodas 35:35

Lord ne tusu lao glalase ka phia mare mala kato thina te keli mala lalaoni gobigna lepo, nei mala edi keha nafnata glepo nate edi phia mare, nei mala edi famane pohe vegha, nei mala valakasi pohe ka ghajo te blu, ba ngonge, ba ukru, nei jaola mala edi keha nafnata pohe. Phia mae igre thofno lalase fara te mala ghaoghathodi thua nafnata glepo te keli, eghuteuna phia mare jaola tangomana te mala edi gobigna gloku re.

Eksodas 35:25

Goro gaꞌase te gnafa iheire te lasedi fara te edi ghajo maladi famane pohe vegha, ba te mala edi ghajo te blu, ba ngonge, ba ukru, ba edi ghajo ka khakla nanigot, mare atha mei nafnata ghajo igre.

Eksodas 35:6

famane pohe vegha teke hohoro ka khakla sipu, nei famane pohe teke hohoro ka khakla nanigot, nei ghajo blu, ba ngonge, ba ukru,

Eksodas 28:15

“Mae iheire te lasedi gloku igre, mare na eni kaisei paos te mala fagefe lao ka soro gna mae pris. Mare ginauna mala laseni unha te magnahagheini iara te mala eni ghotilo na. Mare na eni paos igne ka nafnata famane pohe vegha nei ghajo te eni mare ka efod igne, eghuteuna mare susuki nafnata thotoghale igre tagna jateula te edi mare ka efod igne eghu.

Eksodas 25:18

Ghotilo ginauna horo phei mumuju engel ka gol eghuteuna baghi gna na tutu famaku ka hama. Eghuteuna ghotilo lilisei phei engel igre kligna ka phei khukrudi thotokugna na,

Eksodas 25:4

nei koten te blu nei ukru, nei pohe vegha teke hohoro ka khakla sipu, nei famane pohe teke hohoro ka khakla nanigot,

Eksodas 26:32

Eghuteuna mare na edi fati khegra ka gaju akesia, eghuteuna mare ghiha tafru khegra igre ka gol. Eghuteuna mare edi fati pesidi igre ka silva, eghuteuna pesidi igre thofno nabadi fara khegra igre. Mare jaola na edi thagho ka gol, mala lilisei kligna ka khegra igre mala fagegefe pohe biꞌo igne tadi.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Eksodas 36:36

Eghuteuna mare edi fati khegra ka gaju akesia, eghuteuna mare ghiha tafru khegra igre ka gol. Eghuteuna mare edi fati pesidi igre ka silva, eghuteuna pesidi igre thofno nabadi fara khegra igre. Mare jaola edi thagho ka gol, mala lilisei kligna ka khegra igre mala fagegefe pohe biꞌo igne tadi.

Eksodas 27:16

“Eghuteuna mare na eni kaisei pohe mala bobotho grengatha gna glalaba igne. Brahu gna pohe igne na thokeni nheva mita. Mare na eni ka famane pohe vegha, eghuteuna susuki thotoghale tagna ka ghajo blu, nei ngonge, nei ukru. Eghuteuna au fati khegra baludi fati pesidi te mala kegra haghe di re.

Eksodas 35:12

Eghuteuna Bokis Blahi gna nogna Nhaꞌa Cheke Lord, baludi phei gaju brahu mala pala, nei thotoku gna na, nei pohe biꞌo mala fofotho gna vido te thono Blahi fara aheva Bokis Blahi te au tagna.

Naba 4:5

Eghuteuna kate tei ghotilo ka keha vido re, thilo mae pris, mae Eron baludi phei thugna re eghu kolho te mala kulu jugru ke lamnagna Suga Thapuale te blahi igne mala kaikalitidi glepo te au tagna re. Thilomare ginauna atha koko pohe biꞌo te fofothogna chogho te blahi te au gna bokis blahi na. Eghuteuna ke atha pohe biꞌo gne mala toutoku bokis blahi tuana.