Eksodas 26:30 - Buka Blahi Ka Cheke Holo

³⁰ “Igne puhi nate eni iagho kate kegra haghe suga tapuale igne thofno leghuni gaoghatho te chekeni iara ka iagho ke kligna thogele igne.

Eksodas 26:30 ပူးပေါင်းရင်းမြစ်များ

Eksodas 25:40

Kate edi ghotilo glepo igre, ghotilo mala thofno leghu fakelidi unha teke chekedi iara ka ghotilo ke kligna thogele ra.”

Hibru 8:5

Nodi gloku hatimare mae pris gre jateula u thotoghale gna eghu kolho eigna unha te eni kligna na. Tahati laseni igne, naugna kate magnahaghei hohoro mae Moses suga tapuale igne, God neke cheke faheta eghu ka mana, “Filo sagho! Iara magnahaghe nigho te hohoro gobigna lepore leghuni unha teke falalase ka iagho ka thogele ia.”

Eksodas 25:9

Eghuteuna ghotilo mala horo Suga Tapuale te Blahi igne nei gobigna lepo te mala au ke lamnagna suga igne, thofno leghuni unha nate falalase iara ka iagho igne.”

Mae Khuru 7:44

“Uve, kani au nga tekeu mae kuꞌeda ra ka namono nagou na, mare pala neke tei koba baludi suga tapuale tuana, fagaglana gna God te au baludi na. Mare hohoro suga tapuale tuana leghuni unha teke chekeni God ka mae Moses na, igne ne nanaba fara ka thotoghale teke filoni mana na.

Hibru 9:23

Uve, glepo mala fafara igre jateula thotoghaledi eghu glepo te au kligna igre. Glepo igre nabadi te fuafusa dadara mala gae ke ulugna God. Nu glepo te au kligna gre nabadi kaisei fafara biꞌo ke tulaodi fafara te edi pari igre.

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Naba 10:21

Eghuteuna mae te mala pala te teidi glepo blahi gna suga thapuale re mae ka vikegna mae Kohat. Aonu kate thoke lao mare ka kaisei namono majaghani na, mae ka vikegna mae Geson ghe mae Merari gre mala ke fakegra haghe Suga Thapuale te blahi na mala ke kaikalitidi glepo blahi te pala vikegna mae Kohat re.

Eksodas 40:2

“Ka narane ulu lahu, ka nhigra ulu lahu gna keha finogha na, iagho ginauna fakegra haghe Suga Tapuale te Blahi mala Thafo ghau iara na.

Eksodas 27:8

Mare horo olta igne ka thaba, eghuteuna thora jateula bokis eghu. Mare mala eni igne thofno leghuni gaoghatho teke chekeni iara ka iagho ke kligna gna thogele igne.”

Eksodas 26:29

Mare na ghiha tafru thaba igre ka gol. Eghuteuna mare edi ring gol mala loku haghedi vido thaba te brahu igre. Eghuteuna mare jaola na ghiha tafru vido thaba te brahu igre ka gol.

Naba 8:4

Mare ne tutu lao gol ka thaba mala nhaꞌa juta na, ne fufunu tutu pari ne ghilei haghe thoke ka bukrei sisi kligna re leghuni nogna groghe teke fakakhana Lord ka mae Moses tifa na.”

Ululahu Kronikols 28:19

Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi Lord. Lord neke tusu mei glalase ka iara eidi glepo te ikodi te au ka gaoghatho igne.”