Eksodas 25:9 - Buka Blahi Ka Cheke Holo

⁹ Eghuteuna ghotilo mala horo Suga Tapuale te Blahi igne nei gobigna lepo te mala au ke lamnagna suga igne, thofno leghuni unha nate falalase iara ka iagho igne.”

Eksodas 25:9 ပူးပေါင်းရင်းမြစ်များ

Eksodas 25:40

Kate edi ghotilo glepo igre, ghotilo mala thofno leghu fakelidi unha teke chekedi iara ka ghotilo ke kligna thogele ra.”

Hibru 8:5

Nodi gloku hatimare mae pris gre jateula u thotoghale gna eghu kolho eigna unha te eni kligna na. Tahati laseni igne, naugna kate magnahaghei hohoro mae Moses suga tapuale igne, God neke cheke faheta eghu ka mana, “Filo sagho! Iara magnahaghe nigho te hohoro gobigna lepore leghuni unha teke falalase ka iagho ka thogele ia.”

Mae Khuru 7:44

“Uve, kani au nga tekeu mae kuꞌeda ra ka namono nagou na, mare pala neke tei koba baludi suga tapuale tuana, fagaglana gna God te au baludi na. Mare hohoro suga tapuale tuana leghuni unha teke chekeni God ka mae Moses na, igne ne nanaba fara ka thotoghale teke filoni mana na.

Hibru 9:9

Igne kaisei thotoghale te mala laseni tahati ka unha glepo te thoke mei gognaro na. U gaoghathogna u thotoghale igne eigna u fafara nei kilo fnakno te edi mae pris ka God igre theome naba te famane fagagaeni nagnafagna naikno te mei ka God na.

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Eksodas 26:30

“Igne puhi nate eni iagho kate kegra haghe suga tapuale igne thofno leghuni gaoghatho te chekeni iara ka iagho ke kligna thogele igne.

Naba 8:4

Mare ne tutu lao gol ka thaba mala nhaꞌa juta na, ne fufunu tutu pari ne ghilei haghe thoke ka bukrei sisi kligna re leghuni nogna groghe teke fakakhana Lord ka mae Moses tifa na.”

Eksodas 39:32

Aonu, naiknodi Israel gre ne loku fahui gloku ka Suga Tapuale te Blahi te mala Thafoni God, eghuteuna mare edi gobigna lepo igre thofno leghuni unha teke chekeni Lord ka Moses.

Eksodas 39:42

Naiknodi Israel igre mare edi gobigna lepoi igre thofno leghuni unha teke chekeni Lord ka Moses.

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Naba 4:12

“Nu keha glepo teke edi thilomare ka olta blahi igne, thilomare nake pipiha ka kaisei pohe blu, eghuteuna ke pipiha lao kaisei guli vena tagna, aonu nhaꞌa lao ka gaju mala pala.