Eksodas 25:23 - Buka Blahi Ka Cheke Holo

²³ Lord ne cheke eghu ka mae Moses, “Ghotilo ginauna horo kaisei tevo ka thaba gaju akesia. Brahugna na thokeni nheva salei sentemita, eghuteuna krepagna na thokeni phiatutu glima sentemita, eghuteuna haghegna na thokeni namnosalei fitu sentemita.

Eksodas 25:23 ပူးပေါင်းရင်းမြစ်များ

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Ululahu Kings 7:48

Eghuteuna mae Solomon ne chekedi mae glokure mala horo glepo mala lilisei lamna Sugablahi. Glepo teke horo mare ka famane gol re igre: Olta mala gahu insens. Tevo mala lilisei Bret Blahi.

Fapea Kronikols 4:19

Aonu King Solomon neke chekedi mae glokure mala edi glepo te mala lilisei ke lamnagna Sugablahi na. Glepo teke edi mare ka famane gol igre: Olta mala Gahu Insens. Tevo mala lilisei Bret Blahi.

Ululahu Kronikols 28:16

Nei niha gol malagna Tevo gna Bret Blahi na, nei niha silva te maladi keha tevo re.

Naba 3:31

Nodi gloku mare na mala reireghini nogna Bokis Nhaꞌa Cheke Lord balugna tevo mala lisei bret blahi na, nei kaisei nafnata frem mala nhaꞌa juta nei phei olta re eghu, eghuteuna keha glepo teke loku mae pris ka suga thapuale na eghu, eghuteuna pohe biꞌo mala fofothogna chogho te blahi na. Eghume gloku igre na lisa lao ka khamedi mare.

Levitikas 24:6

Eghuteuna ghotilo mala hata mei nabotho phei bret igre ke ulugu iara ka Tevo malagna Bret Blahi teke horo mare ka famane gol igne. Ghotilo mala lilisei bret igre ka phei thura, namno bret ka kaisei thura, eghuteuna namno bret ka keha thura na.

Eksodas 35:13

Eghuteuna Tevo malagna Bret Blahi baludi phei gaju mala pala, eghuteuna keha nogna glepo, eghuteuna Bret Blahi te mala laseni Lord te au baluda.

Profet Esikiel 41:22

Kaisei olta teke horo mare ka thaba na au ka vido igne. Haghegna na kaisei mita vidogna, eghuteuna kaisei nanaba ngala eigna gerigna te gnafa re thokeni kaisei mita. Mare horo khukrugna re, eghuteuna pesigna na eghu baludi keha philegna re neke eni ka thaba. Mae igne ne cheke eghu ka iara, “Tevo igne kegra fabrahu ke ulugna Lord.”

Eksodas 31:8

Keha glepore igre: tevo mala lilisei bret blahi baludi glepogna re, nei glepo mala lilisei juta baludi gobigna lepo igre eghu te mala horo ka famane gol, nei olta mala gahu insens,

Naba 4:8

Thilomare nake atha kaisei pohe ukru, eghuteuna toku lao ke klignadi glepo te au ka tevo, eghuteuna ke toku lao ngala guli vena na eghu. Ke leghugna tuana, ke lisu fapulo nga thilomare phei gaju mala pala gna tevo na.

Ululahu Kings 7:49

Nabotho frem mala lilisei juta. Mare lilisei glimai ke mata, eghuteuna keha glimai ke raru ke ulugna Chogho te Thono Blahi fara na. Eghuteuna mumuju di sisi, nei juta, nei chochomi,