Eksodas 25:20 - Buka Blahi Ka Cheke Holo

²⁰ Phei engel igre fari totoi ke kligna bokis, eghuteuna filo soru ka thotokugna bokis igne. Eghuteuna baghidi re fnerha ke kligna bokis.

Eksodas 25:20 ပူးပေါင်းရင်းမြစ်များ

Ululahu Kronikols 28:18

Nei nihai famane gol te mala horogna Olta te mala Gahu Insens. Eghuteuna mae Devet ne tusu lao ka mae Solomon gaoghatho eigna glepo te jateula mumujudi phei engel teu igne. Mumuju teke horo ka gol igne au phei engel, eghuteuna baghidi phei engel igre toku tafru nogna Bokis Nhaꞌa Cheke Lord.

Ululahu Kings 8:7

Aonu baghidi phei engel igre ne toku tafru Bokis Nhaꞌa Cheke igne baludi phei gaju te mala palagna Bokis igne.

Hibru 9:5

Ke tagrugna u bokis tuana au phei thotoghaledi engel te kilodi “Serabim”, fagaglana gna God te au ka vido tuana. U baghidi phei thotoghale igre toku tafruni fofothogna bokis na. Jare hatimare te fuafusa u dadara te mala hata fadelei nakhibodi naiknore. Nu ghehati gognaro na theome tangomana te toutonudi gobigna lepo igre ka ghotilo.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Ululahu Korin 11:10

Eghume, naugna igne gaꞌase na mala toku tafru pha'ugna na kate tarai ba toutonuni chekegna God na. Gaꞌase na jaola mala toku tafru pha'ugna na naugna naꞌa mala cheke ke uludi hatimare mae engel. Igne u fagaglana gna naꞌa te au ke parigna nogna nolaghi khetogna na.

Ululahu Korin 4:9

Nu gaoghathogu iara na, God lilisei ghami ghehati mae khuru gre leghu lahu. Ghehati jateula mae sosolo tela fate ghamihi mare te mala lehe ra eghu. Ghehati kegra ke uludi engel nei naiknogna nauthoglu gne eghu ka puhimi ghehati re.

Jone 1:51

Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Matiu 24:31

Ka naoglagna khufli te inge igne, iara ginauna kurudi nogu engel re mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva ka nauthoglu igne.”

Profet Esikiel 28:14

Iara neke vahi nigho iagho mala jateula kaisei engel eghu mala reireghi, eigna iagho au baghi biꞌo. Iagho au kligna ka nogu thogele blahi iara na, eghuteuna iagho nonolo ka thina te siasigla fara, jateula khaꞌaghi te jifla mei tadi ra neu.

Profet Esikiel 1:20

Aheva te tei nogna nolaghi God na, glepo karha igre thugha tei tagna, wil igre jaola thugha tagna, naugna nodi nolaghi glepo te karha igre au ka wil igre.

Fapea Kronikols 3:10

Mare horo phei mumuju engel, eghuteuna toku tafrudi repa ka gol. Mare lilisei phei mumuju igre ka chogho te thofno Blahi Fara na.

Eksodas 25:18

Ghotilo ginauna horo phei mumuju engel ka gol eghuteuna baghi gna na tutu famaku ka hama. Eghuteuna ghotilo lilisei phei engel igre kligna ka phei khukrudi thotokugna na,

Jenesis 28:12

Kate thuru teu mana jare na, mana ne mifi ne filoni kaisei glalako funu pari posa kligna. Eghuteuna mana ne filodi nogna tothoghei engel God re ne haghe nei soru neu ka glalako igne.

Eksodas 25:19

eigna phei igre thofno vidogna thotokugna na. Kaisei engel kegra fei nheta, eghuteuna keha engel na kegra fei mairi.

Ululahu Kings 6:27

Mare fakegra haghe phei engel igre lamna ka Chogho te Blahi fara na. Aonu khukru baghidi phei engel igre namo ka gringnigna chogho igne, eghuteuna keha khukru baghidi phei engel igre loku fodu farihotei.

Ululahu Kings 6:23

Mare horo phei mumuju engel ka thaba gaju oliv. Brahudi phei mumuju igre thokeni glima mita. Mare lilisei phei engel igre lamna ka Chogho te Blahi fara na. Phei mumuju igre kaisei nanaba ngala, eghuteuna repa kafe au baghi. Brahugna kaisei baghi na salaꞌudi phei mita. Aonu funu ka khukrugna keha baghi na te posa ka keha khukru baghi na thokeni fati nei vido mita.