Eksodas 25:2 - Buka Blahi Ka Cheke Holo

² “Chekedi naiknodi Israel ra mala atha mei nodi fafara re ka iara. Eghuteuna iagho atha mei unha te magnahaghei totogho mare ka nafnata gaoghatho te keli.

Eksodas 25:2 ပူးပေါင်းရင်းမြစ်များ

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Esra 2:68

Kate posa naiknore Jerusalem, mare ne tei ka vido aheva teke augna nogna Sugablahi Lord tifa na. Aonu keha ka phaꞌu maedi tharakna igre na, mare ne tusu lao sileni leghuni unha te tangomanadi mare na, mala toghodi mare mala ke babana fapulo gna Sugablahi igne ka vido aheva teke augna tifa na.

Nehemaea 11:2

Keha naiknore magnahaghei te tei au Jerusalem, eghuteuna naiknodi Israel igre ne cheke fakelidi mae igre.

Esra 7:16

Iagho jaola kafe hata silva nei gol eghu teke salo iagho ka namono te gnafa ka provins Babilonia baludi nodi fafara naiknodi Israel baludi mae pris, teke tufa mare malagna nogna Sugablahi God Jerusalem.

Esra 1:6

Keha naikno te au rhedi mare ka namono tuare na toghodi mare. Mare na falao glepo teke horo ka silva nei gol, nei glepo te nabadi mare ka nabrou, nei dongki te mala luja nodi glepo mare igre, nei jaola keha glepo te keli baludi gano leghuni unha te magnahagheni mare.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Jajis 5:9

Iara thofno glealeꞌa fara ka noda lida tahati maeda Israel. Uve, iara glealeꞌa fara ka iheire te sasaꞌa mala magra. Cheke fakelini Lord!

Naba 18:24

Naugna fabothodi unha te atha te mei naiknodi Israel te tusu mei jateula fafara teu ka iara Lord, iara la tusu laohi ka vikegna Livae mala khotogna mare. Eigna iara la chekenihi te vikegna Livae igne theome tangomana te khotogna kaisei vido glose ka nomi glose ghotilo naiknomi Israel.”

Eksodas 25:1

Aonu kate au teu mae Moses ka thogele igne, Lord ne cheke eghu ka mana,

Eksodas 25:3

“Igre u nafnata glepo te mala atha te mei ghotilo ka iara re: gol nei silva nei bras,