Eksodas 25:16 - Buka Blahi Ka Cheke Holo

¹⁶ Eghuteuna phei thina tataba te rioriso soru nogu Nhaꞌa Cheke iara ke klignadi igre, iara ginauna tusu ari ka ghotilo, eghuteuna ghotilo mala lilisei phei thina igre ke lamna bokis.

Eksodas 25:16 ပူးပေါင်းရင်းမြစ်များ

Ululahu Kings 8:9

Theome kmana glepo te au ke lamnagna Bokis Blahi igne. Phei thina tataba kolho teke lilisei Moses jare tifa na. Kate jifla mei mae Moses nei naiknodi Israel teu Ijep na, Lord neke eni kaisei nhaꞌa cheke baludi mare ka Thogele Sanai, ka narane tuana mae Moses neke lilisei phei thina tataba igre ka Bokis Blahi igne.

Diutronomi 31:26

“Ghotilo hata nogna Buka vetula Lord nomi God igne tei lilisei rhegna nogna Bokis Blahi Nhaꞌa cheke mana na. Igne jateula kaisei witnes eghu ka ghotilo naiknomi Israel jame te leghudi ghotilo puhi te diꞌa re.

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Eksodas 16:34

Aonu mae Eron ne leghuni nogna cheke Lord na ne ginauna lilisei suspen “manna” na rhegna Bokis Nhaꞌa Cheke na.

Letas Teke Riso Tei Mae Pol Ka Khiloau Rom 3:2

Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Mae Khuru 7:44

“Uve, kani au nga tekeu mae kuꞌeda ra ka namono nagou na, mare pala neke tei koba baludi suga tapuale tuana, fagaglana gna God te au baludi na. Mare hohoro suga tapuale tuana leghuni unha teke chekeni God ka mae Moses na, igne ne nanaba fara ka thotoghale teke filoni mana na.

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”

Naba 17:4

Aonu iagho ginauna atha mei nabotho phei khodo tuare ka nogu Sugablahi iara igne, eghuteuna iagho ginauna mei lilisei ke ulugu iara ka bokis blahi igne ka vido te fari thafoi koba tapa igne.

Eksodas 38:21

Igre glepo teke edi mare ka gol, nei silva, nei bras eghu te edi mare ka Suga Tapuale te Blahi jaola te kiloni mare “Suga tapuale fagaglana gna nogna Nhaꞌa Cheke Lord.” Moses neke cheke ka Itama thugna pris Eron mala rioriso soru glepo igre, eghuteuna chekedi mae Livaet mala toghoni mana.

Eksodas 34:29

Moses neke soru funugna ka Thogele Sanai, mana pala balugna phei thina te rioriso chekedi Nhaꞌa Cheke te au ka phei thina igre. Nu mana theome kulu laseni te siasigla tathagna nei foflogna teure naugna mana neke cheke balugna Lord.

Eksodas 32:15

Moses figri neke soru ka thogele na. Mana pala ne mei phei thina tataba teke rioriso Lord nogna Nhaꞌa Cheke re ka phei philegna re.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Eksodas 30:36

Iagho atha katha vido ka insens igne, eghuteuna iagho ngunghuja ghilei vuhai paoda. Aonu, iagho atha tei lamna Suga Tapuale te Blahi mala thafo ghau iara, eghuteuna lisei lao ke kligna olta te au ke ulugna vido aheva te au Bokis Blahi te au Nhaꞌa Cheke tagna, aheva iara nate thafo nigho tagna na.

Eksodas 30:6

Aonu, iagho lilisei olta igne lamna ka Chogho Blahi ke demei gna pohe biꞌo te gefe ke ulugna nogu Bokis Blahi iara balu thotoku gna na. Igne vido aheva te mala thafo nigho iara na.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Eksodas 25:21

Ghotilo ginauna hata phei thina nate tusu ari iara ka iagho igre mala lilisei lamna ka bokis igne, eghuteuna ghotilo atha thotokugna mala bobotho famaku.

Eksodas 26:33

Iagho mala fagegefe pohe biꞌo igne ka thagho teke horo ka gol, mala fofota gna chogho biꞌo ke lamnagna suga tapuale igne ka phia vido. Chogho ululahu igne mare kiloni Chogho Blahi, eghuteuna keha chogho na au ke dela gna, Thofno Chogho Blahi igne. Eghuteuna iagho mala lilisei lamna ka Thofno Chogho Blahi igne nogu Bokis Nhaꞌa Cheke Blahi iara na.

Eksodas 40:20

Moses atha phei thina tataba, teke rioriso Lord ke klignadi Nabotho Vetula igre, eghuteuna mana nhaꞌa lao lamna ka Bokis Blahi na nogna Nhaꞌa Cheke Lord. Eghuteuna mana atha phei gaju mala palagna Bokis Blahi igne ne toghu lao ka ring gna na, eghuteuna mana nhaꞌa lao thotoku gna Bokis igne.

Fapea Kronikols 23:11

Jehoada baludi mae thugna re batuni ne mei Joas, thugna King Ahasaea igne ne nhaꞌa lao nogna khepi nafnakno king na ka mana. Eghuteuna mare ne tusu lao ka mana kaisei buka nogna Vetula God ka mana. Pris Jehoada baludi thugna mana re eghu ne tofa oel ka phaꞌugna mae Joas. Mare ne eha eghu fabiꞌo, “Iagho king fabrahu!”