Eksodas 24:6 - Buka Blahi Ka Cheke Holo

⁶ Mae Moses ne lilisei ka keha dis biꞌo vido dadaradi buluka igre eghuteuna atha keha vido dadara na mala fuafusa ke kligna olta.

Eksodas 24:6 ပူးပေါင်းရင်းမြစ်များ

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Eksodas 24:8

Aonu mae Moses ne atha dadara te au ka dis na igre ne fuafusa ke klignadi naiknore, ne cheke eghu, “Igne u dadara te mala farerhetagna u nhaꞌa cheke te eni Lord balumi ghotilo gognaro igne.”

Hibru 9:18

Naugna igne, u nhaꞌa cheke ulu lahu teke eni God igne tutuani kolho kate tofa mare dadaradi nanigot nei buluka teke fafara na.

Levitikas 4:6

eghuteuna mana tihi lao geghesugna ka dadara igne eghuteuna krisu kakatha dadara mala fuafusa fitu fata ke ulugu iara Lord ka pohe te bobothogna Chogho te Thofno Blahi fara na.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Kolose 1:20

Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.

Levitikas 3:8

mana habo khamegna na ka phaꞌugna sipu igne, eghuteuna mana aknu falehe sipu igne ke ulugna Suga Tapuale te Blahi igne. Aonu mae pris ka thugna mae Eron igne atha dadaragna sipu igne mala fuafusa ka fati philegna olta na.

Levitikas 3:2

Mana mala habo khamegna na ka phaꞌugna buluka igne mala laseni fafara igne te nogna mana na. Eghuteuna mana mala aknu falehe ka grengathagna Suga Tapuale te Blahi na, aonu pris thugna mae Eron igre fuafusa dadara igne ka fati philegna olta na.

Levitikas 1:11

Mana aknu falehe buluka igne ke ulugu iara phile ke raru olta, eghuteuna pris ka tharaknagna mae Eron ginauna atha dadaragna buluka igne tofa ka fati philegna olta na.

Eksodas 29:20

Iagho aknu falehe sipu tuana eghuteuna atha katha dadara tagna, eghuteuna ghiha lao keha dadara ka khukru khuli fei khame nhetagna mae Eron, nei jaola ka thugna mana re. Eghuteuna iagho ghiha lao dadara igne ka geghesu biꞌo fei khame nhetadi mare, eghuteuna jaola ka geghesu biꞌo fei ghahe nheta. Aonu iagho atha dadara teke salaꞌui igne mala fuafusa ka fati khukrugna olta na.

Eksodas 29:16

Eghuteuna iagho aknu falehe sipu igne, eghuteuna atha dadaragna na, eghuteuna fuafusa ka fati gerigna olta na.

Eksodas 12:22

Totofa soru dadara gna na ka dis biꞌo eghuteuna atha kaisei grege ikoi ka gaju hisop mala nhaꞌa lao ka dadara te au ka dis na. Eghuteuna ghiha katha vido dadara ka phei phile grengatha re nei jaola ke kligna grengatha na eghu. Ghotilo mala au kolho lamna suga, thosei jifla kosi ghilei rane.

Eksodas 12:7

Eghuteuna naiknore na atha keha dadara mala ghiha ka phei phile re nei ke kligna eghu ka grengathagna nodi suga na.

Ululahu Korin 11:25

Jaola, ke leghugna te ima bret na, mana hata hinao na ne cheke eghu, “Hinao igne u nhaꞌa cheke majaghani funu ka God ranghidi nogna naiknore. Nhaꞌa cheke majaghani igne farerheta ka dadara glehegu iara na. Kate ko'uni igne, ghotilo ghatho fapulo ghau iara.”

Hibru 8:9

Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Hibru 9:19

Ulu lahu na, mae Moses ne kulu rurutha ranghidi naiknore u vetula te gnafa igre. Aonu mana hata khakla sipu te ukru na ne haru ka grege gaju te kiloi “Hisop” ne fabobothu ka dadaradi buluka nei nanigot tela ngigno foduhi ka khoꞌu. Aonu mana ne fuafusa ke kligna gna u buka gna vetula na, eghuteuna ke fuafusa la ke klignadi naiknore.

Hibru 9:21

Jateula tuana eghu mae Moses neke fuafusa u dadara ke tagrugna suga tapuale te blahi na, nei ke klignadi gobigna lepo te blahi te mala loku mare te au ka suga tuana.

Fapea Kings 17:15

Mare tirodi leghudi nogna farirhiu mana re, eghuteuna mare tirodi tajini u nhaꞌa cheke teke eni mana ka mae kuꞌedi mare tifa ra. Mare theome ghatho branadi nogna cheke mana re. Mare tarai ka mumuju te theo nafudi re, naugna igne, mare jaola theo nafudi. Neuba Lord ne cheke ranghidi mala thosei leghudi puhidi naikno te au faligohodiare neu, nu mare edi ngala glepo mala thosei edi teku Lord re.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.