Eksodas 24:4 - Buka Blahi Ka Cheke Holo

⁴ Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Eksodas 24:4 ပူးပေါင်းရင်းမြစ်များ

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Jenesis 28:18

Hamerane boibongi ka keha narane na mae Jekop ne hata thina teke kokhogu thegna na ne fakegra haghe ne fablahini nei tofa oel ke kligna gna neu mala ke ghatho fapuloni unha teke chekeni God ka mana na.

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Esra 6:17

Ka narane biꞌo teke fablahigna Sugablahi igne, mare ne aknu falehe kaisei gobi buluka nalhaꞌudi, nei phia gobi sipu nalhaꞌudi, nei fati gobi sua sipu nalhaꞌudi eghu mala fafara. Eghuteuna mare aknu falehe nabotho phei nanigot nalhaꞌudi mala fafara mala gae naiknore ka tathagna Lord. Mare fafara kaisei nanigot kaisei tharakna eghu ka nabotho phei vikegna Israel.

Ululahu Kings 11:30

Mana hata koko nogna pohe majaghani igne ne rerheku ka nabotho phei nabreku.

Josua 4:20

Mae Josua ne titili nabotho phei thina teke pala mare ka Khoꞌu biꞌo Jordan igre jare.

Naba 17:2

“Iagho ginauna cheke ka naiknodi Israel are mala atha mei nabotho phei khodo ka iagho, nabadi nabotho phei mae lidadi vikegna Israel are. Eghuteuna riso nanghadi nabotho phei mae lida igre ka khodo tuare.

Levitikas 24:5

Lord ne cheke eghu, “Ghotilo mala hata duku biꞌo famane flaoa, eghuteuna ghotilo mala gahu nabotho phei bret tagna.

Eksodas 28:21

Ka puhi igne, mare na famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Jenesis 31:45

Aonu mae Jekop ne hata kaisei thina brahu ne jokra haghe jare. Igne jateula kaisei fagaglana eghu eigna u nhaꞌa cheke teke eni phia mare igne.

Jenesis 28:22

Thina te fakegra haghe iara igne mala sugamu iagho. Eghuteuna glepo teke tusu mei iagho ka iara igre, iara ginauna na edi nabotho bukrei, eghuteuna kaisei bukrei na iara nake tusu ari ka iagho.”

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Eksodas 21:1

Lord ne cheke eghu ka mae Moses: “Igre vetula te mala tusu lao iagho ka naiknodi Israel.

Eksodas 24:7

Gnafa teuna, mana atha Buka Nhaꞌa cheke te au chekegna Lord igre ne iu'iju ka naiknore. Kate nomhidi chekegna Lord igre, naiknore ne kafe cheke eghu, “Ghehati ginauna thofno leghudi chekegna Lord igre.”

Eksodas 34:27

Aonu Lord ne cheke eghu ka Moses, “Iagho rioriso soru cheke igre, naugna ka cheke igre teke eni iara Nhaꞌa Cheke igne balumu iagho nei naiknodi Israel.”

Profet Isaia 19:19

Ka narane tuana, kaisei nogna olta Lord ginauna au ke lamnagna kantri igne, eghuteuna ka nohigna kantri Ijep igne, mare ginauna fakegra haghe kaisei thina biꞌo fagaglana gna te tufru soruni mare Lord.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Josua 4:5

ne cheke eghu ka mare, “Ghotilo tei ka khoꞌu gno mala pala nabotho phei thina biꞌo ka vido teke kegra mae pris teke pala nogna Bokis Blahi Lord noda God ra. Nabotho phei thina biꞌo igre eidi nabotho phei vikeda tahati igre, mala jateula tuthuanagna eghu unha teke eni Lord ranghi ghita na. Eghuteuna thogheiro ke leghure, thuda tahatire ginauna ghusnadi gaoghathodi thina igre.

Ululahu Kings 18:31

Aonu mana ne hata nabotho phei thina, thina igre nanaba ka nabotho phei vike teke karha mei ka nabotho phei thugna mae Jekop, mae ihei Lord te kiloni mana Israel.

Nehemaea 10:1

Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.