Eksodas 24:18 - Buka Blahi Ka Cheke Holo

¹⁸ Aonu mae Moses ne haghe ka thogele na ne tei ke lamna khoveo, aonu mana ne au jare nabagna phia tutu narane nei phia tutu bongi.

Eksodas 24:18 ပူးပေါင်းရင်းမြစ်များ

Diutronomi 9:9

Ka narane tuana, iara neke haghe ka thogele na neke hata phei thina tataba te au nogna nhaꞌa cheke Lord teke eni mana balumi ghotilo ia. Eghuteuna iara neke au ka thogele igne phiatutu narane nei phiatutu bongi, eghuteuna ka narane tuare iara neke theome ghamu nei theome koꞌu.

Diutronomi 10:10

Mae Moses ne cheke eghu, “Iara neke au ka thogele igne phiatutu narane nei phiatutu bongi, jateula teke eni iara ulu lahu ia neku. Eghuteuna Lord neke nomhini nogu tharai iara na ka narane tuana, aonu mana neke theome falehe ghami ghotilo.

Eksodas 34:28

Moses au neu ka vido igne balugna Lord nabagna phiatutu narane nei phiatutu bongi, ka narane igre, mana theome ghamu, nei jaola theome koꞌu. Eghuteuna Lord ne ghagra ke klignadi phei thina u Nhaꞌa Cheke igre, tuare Nabotho Vetula re.

Diutronomi 9:25

“Aonu iara ne thuru sukha pari ke ulugna Lord nabagna phiatutu narane nei phiatutu bongi, naugna iara laseni mana neke chekeni te mala falehe ghami ghotilo na.

Diutronomi 9:18

“Eghuteuna iara ne khoko sukha pari ka glose na ne tarai ke ulugna Lord nabagna phiatutu narane nei phiatutu bongi, iara theome ghamu nei theome koꞌu. Iara eni igne naugna ghotilo neke eni nakhibo biꞌo ranghini Lord neke ghilei diꞌatagna fara mana.

Luku 4:2

Jare mae Satan ne fariuriuni mae Jisas phiatutu narane. Mae Jisas neke theome ghamu kau narane tuare. Kate gnafa narane tuare mae Jisas ne rofo fara.

Nonomho Te Keli Teke Risoi Mae Mak 1:13

Aonu, mana ne au thegna jare phiatutu narane. Eghuteuna ka vido tuana bosu mata re langau eghu te au jare na. Mae Satan mei ne fariuriuni mana, nu engel re mei ne toghoni mana.

Matiu 4:2

Kate theome ima mana ke lamnadi phiatutu narane nei phiatutu bongi teu igre, mae Jisas ne rofo fara.

Ululahu Kings 19:8

Aonu mana kegra haghe ne ghamu nei koꞌu neu. Eghuteuna mana rheta ne nolo nabagna phiatutu narane ne ghilei tei posa ka Thogele Sanai, nogna thogele blahi God.

Eksodas 19:20

Eghuteuna kate soru mei Lord ke kligna Thogele Sanai igne, mana ne ehani mae Moses mala haghe ka thogele igne. Aonu, mae Moses ne haghe,

Eksodas 9:33

Mae Moses ne jifla ka mae king ne tei ke kosigna namono biꞌo na. Mana ngafa haghe khame gnare ne tarai ka Lord. Aonu maloa na neke theome gafu ka gromno, eghuteuna nakhete thina aes na neke hui.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Eksodas 25:1

Aonu kate au teu mae Moses ka thogele igne, Lord ne cheke eghu ka mana,

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Ululahu Kings 19:11

Eghuteuna Lord ne cheke eghu ka mana, “Iagho jifla tei kosi, eghuteuna iagho ari thafo ghau iara ke kligna thogele, naugna Iara Lord namo mei salaꞌu agne.” Eghuteuna mana ne kuru mei kaisei nuri biꞌo jateula kaisei saeklon neu ne nghali thogele igne ne phike thina re. Nu Lord na theome au ka nuri igne. Ke leghugna nuri igne, glose na nghali ka nakheu. Nu Lord na jaola theome au ka nakheu igne.

Diutronomi 5:31

Iagho kolho nate au teu agne balugu iara na. Eghuteuna iara ginauna tusu ari ka iagho nogu cheke te gnafa nei vetula, nei cheke faheta te gnafa teu igre. Eghuteuna ke leghu na, iagho mala farirhiu glepo igre ka naiknore, mala leghudi mare ka glose teke tusu lao iara ka mare mala khotodi.’ ”