Eksodas 23:33 - Buka Blahi Ka Cheke Holo

³³ Ghotilo thosei snakredi naikno tuare mala au ka nomi kantri na. Jame te snakredi ghotilo te au mare balumi ghotilo na, mare ginau na huhuru ghami ghotilo mala pogho soru ka nodi god thedire.”

Eksodas 23:33 ပူးပေါင်းရင်းမြစ်များ

Nodi Khoje Hatimare Mae Jiu 106:36

Mare tarai ka mumuju. Eghuteuna naiknore ne kafe khale ka puhi te jateula phighoro teu igne.

Diutronomi 7:16

Ghotilo mala aknu falehe naikno te gnafa te lisa ari Lord ka khamemi ghotilo are, thosei kokhonidi. Ghotilo mala thosei pogho soru ka nodi god mare re, naugna igne kaisei puhi te mala jateula kaisei phighoro teu mare te mala fakhale ghami ghotilo na.

Jajis 2:3

Eghume iara na cheke fadoglo ari ka ghotilo gognarona, jame te tei magra ghotilo ka naikno te au agne Kenan igre, iara ginauna na theome togho ghami ghotilo mala uludi mare. Nu mare ginauna goigoni ghami ghotilo, eghuteuna nodi god mare igre ginauna jateula kaisei phighoro eghu mala khale ghotilo tagna.”

Eksodas 34:12

Filo ghami themi, na eghunu eni ghotilo kaisei nhaꞌa cheke te mala au fakeli baludi naikno te au ka glose aheva nate tei ghotilo tagna, glahu jateula kaisei phighoro eghu nhaꞌa cheke tuana mala goigoni ghami ghotilo.

Fapea Timoti 2:26

Eghuteuna kate keli fapulo gaoghathodire, mare ginauna na rikha kokoni mae Satan. Eigna mae Satan gognaro gne te loku famakudi, eghuteuna mana huhurudi mala edi glepo te magnahaghedi mana thegna re.

Fapea Kronikols 33:9

Nu King Manase neke batu fadiꞌadi naiknodi Juda nei Jerusalem ka nakhibo te thono biꞌo fara salaꞌudi nakhibodi naikno bongihehe teke goigonidi Lord ka narane teke hata meidi mana naiknodi Israel teke au ka kantri igne.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”

Eksodas 10:7

Hatimare mae funeire ne cheke eghu ka mae king, “Niha fata eghu snakreni mae igne mala eꞌei puhi biꞌo jateula igne eghu ranghi ghita fabrahu sagho ia? Snakredi sagho mae Israel are mala tei pogho soruni mare nodi Lord God na. Ba? Iagho theome filoni si Ijep tela diꞌa fara gnea?”

Eksodas 23:24

Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Diutronomi 7:1

Aonu mae Moses ne cheke eghu, “Lord, nomi God ghotilo na ginauna hata ghami ghotilo tei mala hata glose ka vikegna mae Het, nei ka vikegna mae Gigas, nei ka vikegna mae Amoa, nei ka vikegna mae Kenan, nei ka vikegna mae Peris, nei ka vikegna mae Hivi, nei ka vikegna mae Jebus. Mana ginauna ngolhi fajifladi keha naikno te au ka glose igne. Eghuteuna neuba fitu vike igre ne nheta ulu ghami ghotilo,

Diutronomi 20:18

Jame te theo na, mare ginauna farirhiu ghami ghotilo mala leghudi ghotilo puhidi mare te diꞌa re mala tarai ka nodi god mare are. Eghuteuna jame te eghu ghotilo na, ghotilo ginauna eni nakhibo biꞌo ranghini Lord nomi God.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Jajis 2:2

Eghuteuna ghotilo thosei ke eni kaisei nhaꞌa cheke baludi naikno te au ka namono Kenan igne, eghuteuna ghotilo ginauna paꞌe soru nodi olta naikno bongihehe are.’ Nu ghotilo theome edi kolho unha teke chekedi iara ka ghotilo ra. Naugna unha site edi ghotilo glepo igrea?