Eksodas 23:30 - Buka Blahi Ka Cheke Holo

³⁰ Iara ginau na thoghei blaknoi kuru fajifladi nomi naoka ghotilo mala ghilei kmana ghu ghotilo mala ke khotogna namono igne.

Eksodas 23:30 ပူးပေါင်းရင်းမြစ်များ

Diutronomi 7:22

Lord nomi God ghotilo igne ginauna ngolhi fajifladi mare ka puhi te theome faghose fara. Eghume ghotilo theome tangomana aknu falehedi mare kaisei fata kolho na, naugna jame te eni ghotilo igne na, glepo tautagu te au ka vido tuana ginauna kmana fara eghuteuna glepo igre tangomana te goigoni ghami ghotilo na.

Josua 23:4

Eghuteuna iara la snakre arihi glose te funu ka Khoꞌu biꞌo Jordan ke maghati na tei gnafa ka Thongna Mediterenian ke mosu na. Uve, iara jaola snakre arihi nodi glose keha naiknoi teke uludi tahati ka magra ra nei baludi glose ka keha naiknoi te theome uludi nga teu tahati ra.

Josua 23:9

“Naikno teke au ka namono igne tifa ra, mare kmana fara nei jaola nheta fara ka magra na. Nu leuleghu fata na, kate tei ghotilo te magra ka mare na, Lord thegna te ngolhidi ke uludi tathami ghotilo re. Eghuteuna leuleghu fata na, theo kaisei ka nomi naoka ghotilo igre te tangomana te ulu ghami ghotilo na.

Josua 13:6

“Eghuteuna ghotilo jaola theome athau nodi vido glose mae Saedon te au farihotei Thogele Lebanon nei Misrefot Maim. Nu iara ginauna khi fajifladi vike te au ka vido igne, eghuteuna ghotilo mae Israel ra ginauna atha nodi namono mare igre. Iagho tufa vido glose igre ka vike te gnafa Israel igre mala nodi mare. Iagho leghuni unha te chekeni iara ka iagho igne.

Josua 23:5

Lord noda God tahati na neke nhaꞌa chekehi ka tahati te mana ginauna edi noda naoka tahati re mala rikha ghita tahati. Uve, kate tei ruma tahati ka nodi glose mare na, Lord nate ngolhi fajifladi mare na, eghuteuna tahati ginauna hata nodi glose mare na leghui unha teke nhaꞌa cheke mana ka tahati na.