Eksodas 23:27 - Buka Blahi Ka Cheke Holo

²⁷ “Iara ginau na tusu lao namhagu biꞌo ka naikno nate tei ghotilo tadi are mala mhaghu ghami ghotilo, eghuteuna naikno te tirodi ghami ghotilo are ginau na rikha ghami ghotilo.

Eksodas 23:27 ပူးပေါင်းရင်းမြစ်များ

Diutronomi 2:25

Funu gognarogne, iara ginauna edi naikno ka namono te gnafa igre mala mhaghu ghami ghotilo. Kate nomhidi mare thoutonu eimi ghotilo na, mare ginauna mhaghu nodi fara na fififri fara thinidi re.’ ”

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Diutronomi 7:23

Nu Lord ginauna tusu ari ka ghotilo nodi glose naiknore. Eghuteuna naikno teke khotogna glose igne ginauna mhaghu nodi fara na theome tangomana te eni unha na, ghilei aknu falehe gnafa ghotilo naiknore.

Diutronomi 11:25

Eghuteuna kate tei ghotilo ka glose igne na, ginauna theo kaisei naikno nate kegra fanogra ghami ghotilo na, naugna Lord nomi God ghotilo na ginauna edi naiknore mala mhaghu ghami ghotilo jateula teke nhaꞌa chekenihi mana ka ghotilo ia eghu.

Nodi Khoje Hatimare Mae Jiu 18:40

Iagho neke famamhagudi nogu naoka iara re neke figri neke rikha. Iara falehedi mae iheire teke tirodi ghau iara re.

Fapea Kronikols 14:14

Ke leghu, armigna Juda igne ne goigonidi namono te gnafa te au faligohoni Gerara. Naiknogna rijon igne ne mhaghu nodi fara ka Lord, eghuteuna soldia di Juda igre ne tei ka namono te gnafa igre ne hata nodi glepo te keli mare re.

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Ululahu Samuel 14:15

Eghuteuna soasopai tothoghei ka nodi armi maedi Filistia igre ne mhaghu nodi fara, neuba mare ne tei magra ba au ka suga tapuale, mare ne rhana nodi fara. Eghuteuna God ne famhaghudi maedi Filistia gre ne faꞌihodi tafri.

Diutronomi 11:23

Jame te thofno edi ghotilo igre na, neubane nheta ulu ghami ghotilo vikedi naikno te au ka glose igne, Lord ginauna ngolhi fajifladi kate tei magra ghotilo ka mare na.

Eksodas 33:2

Iara ginauna kuruni kaisei nogu engel mala batu ghami ghotilo. Eghuteuna iara ginauna khi fajifladi ka glose tuana vikegna Kenan, nei vikegna Amo, nei vikegna Het, nei vikegna Peris, nei vikegna Hivi, nei vikegna Jebus.

Fapea Samuel 22:41

Iagho neke famhaghu di mae naoka neke rikha ghau iara, eghuteuna iara la goigonidihi iheire teke tirodi ghau iara re.

Nodi Khoje Hatimare Mae Jiu 21:12

Iagho ginauna na fadi jatadi, eghuteuna mare ginauna na figri tagru e rikha nigho iagho.

Eksodas 34:24

Iara ginauna khi fajifladi naikno ka glose nate tei ghotilo tagna igne, eghuteuna iara ginauna eni fakrepa biꞌo nomi glose ghotilo igne. Eghuteuna neuba ghotilo ne mei ka thilo narane biꞌo igre ne tarai nei pogho soru neu ka iara Lord nomi God gne, ginauna theo kaisei mae nate fariuriu blauni ka ghotilo glose igne.

Naba 22:3

Eghuteuna mae king baludi nogna naiknore ne mhaghu nei fififri nodi fara, naugna mana laseni te kmana fara naiknodi Israel gre.

Diutronomi 6:19

Ghotilo ginauna ngolhi fajifladi naoka te au ka glose igne jateula teke chekenihi Lord ia eghu.