Eksodas 23:26 - Buka Blahi Ka Cheke Holo

²⁶ Goro gaꞌase tholaghi te gnafa re mala kafe au thudi hui, eigna iara theome snakreni kaisei gaꞌase ka reꞌe te khoko thugna na, ba te lehe ka thiꞌa idogna na te karha nga na. Iara ginau na snakre ghami ghotilo mala au fabrahu tifa e tifa ka nauthoglu igne.

Eksodas 23:26 ပူးပေါင်းရင်းမြစ်များ

Diutronomi 7:14

Lord ginauna fablahi ghami ghotilo tulao ke klignadi keha naikno te gnafa ka nauthoglu igne. Eghume ghotilo te gnafa na, neubane nalhaꞌu ba gaꞌase ginauna au thugna. Eghuteuna glepo tautagu te gnafa igre ginauna jaola au thudi.

Thoutonu Eigna Mae Job 5:26

Iagho ginauna karha kelimu au ghilei kuekuꞌe fara, jateula sopho te famane kotu ka nagare na te ghilei thokeni narane te naba te mala ukli na ia eghu.

Diutronomi 28:4

“Ghotilo ginauna au kmana thumi. Eghuteuna ghemi nagare ghotilo are ginauna vuragha gano. Eghuteuna nomi glepo tautagu ghotilo are ginauna jaola au kmana thudi.

Thoutonu Eigna Mae Job 21:10

Buluka nalhaꞌugna na theome gnafa te faꞌau sua ka buluka gaꞌasegna na. Eghuteuna buluka igre bligi kolho te fakarha thudi re.

Profet Isaia 65:20

“Theo kaisei sua nate lehe ka namono igne. Naikno te gnafa te au ka namono igne ginauna theome ghosei lehe. Jame ihei te lehe kate thokeni kaisei gobi finogha na, naiknore te ghathoni na, mae igne majaghaniu ngala. Eghuteuna jame ihei te lehe te thokeni nga narane igne na, naiknore ginauna ghathoni ne parani iara teuna.

Nodi Khoje Hatimare Mae Jiu 144:13

Ghehati magnahaghedi ghemi nagare gre te au kmana ganodi fara, mala fodu nomi belare ka gano te keli. Ghehati jaola magnahaghedi nomi sipure te au kmana thudi.

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Ululahu Kronikols 23:1

Kate funu kuekuꞌe farahi King Devet na, mana neke vahini mae Solomon, mae thugna nalhaꞌu na mala king gna Israel tughuni mana.

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Thoutonu Eigna Mae Job 42:17

Kate lehe na, mana thono kuekuꞌe fara.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Profet Hosia 9:14

Lord! Unha glepo te keli nate tusu ranghidi iagho na? Jame te keli na, iagho thosei snakredi goro gaꞌasere mala au thudi, iagho fakrango chuꞌudire mala theome tangomana rehati te fachuꞌu sua na.