Eksodas 23:24 - Buka Blahi Ka Cheke Holo

²⁴ Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Eksodas 23:24 ပူးပေါင်းရင်းမြစ်များ

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Diutronomi 12:3

Ghotilo mala paꞌe sukha nodi olta re, eghuteuna goigoni nodi mumuju thina re. Eghuteuna ghotilo gnubra ka khaꞌaghi mumujugna god gaꞌase Astarot, eghuteuna kato sukha mumujudi nodi god re. Eghuteuna ghiha koko nanghadi nodi god re ka vido tuare mala theome tangomana kaisei naikno na teke ghathodi re.

Diutronomi 7:5

Eghume ghotilo mala roꞌe soru nodi olta nei mumuju thina, nei roꞌe soru mumuju gna gaꞌase god Astarot, eghuteuna ghotilo mala gnhubra nodi mumuju mare re.

Fapea Kronikols 33:9

Nu King Manase neke batu fadiꞌadi naiknodi Juda nei Jerusalem ka nakhibo te thono biꞌo fara salaꞌudi nakhibodi naikno bongihehe teke goigonidi Lord ka narane teke hata meidi mana naiknodi Israel teke au ka kantri igne.

Levitikas 18:3

Tifa na ghotilo neke au Ijep, eghuteuna gognarona iara hata ghami ghotilo tei Kenan, nu ghotilo thosei leghudi puhi te diꞌa te edi naiknodi phei kantri Ijep ghe Kenan.

Eksodas 32:20

Mana atha mumuju buluka gol teke horo mare igne ne gahu ka khaꞌaghi. Mana atha ne rurhuja ne ghilei vuhai nakrofu, aonu mana atha nakrofu igne ne ngigno balu khoꞌu, eghuteuna mana tusu lao khoꞌu igne mala koꞌu naiknore.

Profet Esikiel 16:47

Iagho hata puhidi repa te thono diꞌa fara are, nu puhimu te gnafa iagho re gognarona raꞌe thono diꞌa fara salaꞌudi repa.

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Fapea Kronikols 33:2

Mae king igne neke edi puhi te diꞌa re ka tathagna Lord na. Mana neke leghudi puhi te diꞌa teke edi naikno bongihehe tifa, iheire Lord teke khi fajifladi ka nodi namono naiknodi Israel.

Eksodas 23:13

“Fanomho fakeli nei leghudi eghu ghotilo unha te cheke iara ka ghotilo igre. Iara theome snakre ghami ghotilo te pogho soru te tarai ghotilo ka mumuju na, ba te chekedi ghotilo nanghadire. Nangha tuare iara theome magnahaghei te nomhidi ka foflomi ghotilore.”

Eksodas 23:32

Ghotilo thosei eni kaisei nhaꞌa cheke baludi naikno tuare ba ka nodi mumuju god re.

Eksodas 23:33

Ghotilo thosei snakredi naikno tuare mala au ka nomi kantri na. Jame te snakredi ghotilo te au mare balumi ghotilo na, mare ginau na huhuru ghami ghotilo mala pogho soru ka nodi god thedire.”

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Fapea Kings 3:2

Mae Joram ne eni puhi te diꞌa na ka tathagna Lord, nu mana ne theome jateula kmagna ghe idogna tifa ra neu. Naugna mana neke pa'e soru mumujugna god Baal teke eni kmagna na.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Eksodas 20:3

“Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Naba 25:2

Goro gaꞌase igre neke ghusnadi mare mala mei ka gaghamhu na ka vido te au gna nodi god thedi na. Aonu maedi Israel gre mei ne ima nafnahi baludi reꞌe nei jaola ne maimanihini god na.

Fapea Kings 17:8

eghuteuna mare leghuni nodi kastom iheire Lord teke khi fajifladi ka nodi vido glose naiknodi Israel. Eghuteuna mare leghuni kastom majaghani teke farirhiu hatimare mae king di Israel.

Fapea Kings 17:11

Eghuteuna mare gahu insens ke kligna olta, leghuni unha teke edi naikno tifa teke khi fajifladi Lord ka nodi vido glose naiknodi Israel ra. Eigna Lord neke thono diꞌatagna fara kate edi fabrahu naiknore puhi te diꞌa igre.

Fapea Kronikols 14:2

Asa edi unha glepo te keli nei doglo teure ka tathagna Lord nogna God.

Fapea Kronikols 25:14

Kate mei King Amasaea te aknu falehe kmana soldia di Idom ka magra igne, mana hata ne mei nodi god mare re balugna. Aonu mana ne fakegra haghe nodi mumuju blahi mae bongihehe igre mala tarai, nei gahu insens eghu tadi.

Profet Hosia 10:2

Mae igre thofno mae chaichaghi fara, eghuteuna mae igre ginauna au papara eidi nakhibo teke edi mare igre. Uve, na theome raugha God ginauna paꞌe soru olta igre. Eghuteuna mana ginauna puri nguanguja thina teke fakegra haghe mare igre.