Eksodas 23:23 - Buka Blahi Ka Cheke Holo

²³ Nogu engel iara na ginau na baubatu ghami ghotilo tei au ka nodi namono hatimare mae Amo nei hatimare mae Hit nei hatimare mae Peres nei hatimare mae Kenan nei hatimare mae Hivi nei hatimare mae Jebus, iara ginau na thofno paradi fara mare.

Eksodas 23:23 ပူးပေါင်းရင်းမြစ်များ

Eksodas 23:20

Lord ne cheke eghu, “Filo si ghotilo, iara ginau na kuruni nogu engel na mala tei ke ulumi ghotilo mala reireghi ghami ghotilo ka nabrou te mala tei ghotilo na. Mana ginau na atha ghami ghotilo tei ka kantri teke kulu tarabana teku iara mala tei au ghotilo tagna teku ia.

Profet Isaia 5:13

Eghume Lord ginauna huhuru ghami ghotilo nogna naiknore mala jifla kokodi nomi namonore, mala sneka tei au ka keha kantri delei aheva ghotilo nate lehe ka grofo nei lehe ka khoꞌu.

Eksodas 32:2

Eron ne cheke eghu ka mare, “Uve, ghotilo tei atha dedenge gol ka khetomi nei thumi teu ghotilo are mala atha mei ka iara.”

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Eksodas 3:17

Eghuteuna iara neke nhaꞌa chekehi mala atha fajifla ghami ghotilo ka nakarha te ninhigrana ka namono igne. Iara ginauna hata ghami tei ka kaisei namono te keli fara glosegna na, eghuteuna leghu fata na au kmana gano tagna. Igne nodi namono vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus.’

Jenesis 24:7

Lord, God gna kligna na neke hata fajifla ghau iara ka suga gna mae kmagu na, nei ka glosedi eghu vikegu iara re neke nhaꞌa cheke eghu ka iara, ‘Iara ginauna na tusu ari ka vikemu iagho gre namono igne.’ Eghume Lord ginauna na kuruni nogna engel na mala baubatu nigho tei posa ka namonogu iara na. Eghuteuna engel igne ginauna na togho nigho iagho mala hata iagho kaisei gaꞌase malagna mae thugu iara na jare.

Josua 9:1

Mae Josua baludi maedi Israel igre mare magra ne uludi phei namono biꞌo Jeriko ghe Ai. Eghuteuna nonomho eigna igne ne tei thoke ka mae king te au ka namono te gnafa ke mosu Khoꞌu biꞌo Jordan. Mae king igre funudi ka vikegna mae Hit, ka vikegna mae Amo, ka vikegna mae Kenan, ka vikegna mae Peres, ka vikegna mae Hivi, nei ka vikegna mae Jebus. Mae igre au ka thogele nei ka gukhu ke mosu, nei ka sare rhegna Mediterenian, tei posa ke raru kantri Lebanon. Mare kafe nomhini thoutonu eigna mae Josua igne baludi mae Israel te uludi nodi naokare ka magra igre.

Josua 23:9

“Naikno teke au ka namono igne tifa ra, mare kmana fara nei jaola nheta fara ka magra na. Nu leuleghu fata na, kate tei ghotilo te magra ka mare na, Lord thegna te ngolhidi ke uludi tathami ghotilo re. Eghuteuna leuleghu fata na, theo kaisei ka nomi naoka ghotilo igre te tangomana te ulu ghami ghotilo na.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Diutronomi 9:3

Nu gognarona ghotilo laseni, Lord nomi God ghotilo na neke nhaꞌa chekehi te mala kulu ulu ka ghotilo na. Kate kulu tei na mana ginauna jateula kaisei khaꞌaghi te gnhubra gobigna lepora eghu na thofno goigonidi fara naikno tuare. Eghume ghotilo tangomana te ngolhi fajifladi re, eghuteuna ghotilo ginauna ghosei aknu falehedi kolho.

Josua 5:13

Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”