Eksodas 23:2 - Buka Blahi Ka Cheke Holo

² “Kate tei ka fate na, ghotilo chekeni koba ngala unha te tutuani na, neuba naikno kmana ne kafe phile ka unha te diꞌa na, ghotilo kegra maku ngala ka unha te tutuani na.

Eksodas 23:2 ပူးပေါင်းရင်းမြစ်များ

Proveb 1:15

Thuguo, au fadelei ka naikno tuare, iagho thosei tei baludi.

Thoutonu Eigna Mae Job 31:34

Iara theome mhaghudi unha jame te toutonu eigu iara naiknore. Neuba mare ne cheke fadiꞌa ghau iara, nu iara theome tangomana te au kmu ka nogu suga tapuale na.

Diutronomi 1:17

Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Proveb 4:14

Iagho thosei tei ka nodi nabrou mae te diꞌa re, eghuteuna iagho thosei leghuni puhidi mare re.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Mae Khuru 25:9

Nu mae Festas magnahaghei te keli tadi hatimare mae Jiu ne ghusna eghu ka mae Pol, “Ba, iagho magnahaghei te haghe Jerusalem mala kegra ke ulugu iara jare ka fate sia?”

Mae Khuru 24:27

Nu mae Filiks ne liliseini mae Pol mala au mana ka suga sosolo, naugna mana magnahaghei te keli tadi hatimare mae Jiu. Nu ke leghu phei finogha, mae Posias Festas neke tughuni mae Filiks mala gavana ka provins tuana.

Profet Jeremaea 38:9

“Nogu King. Glepo te eni mae biꞌo igre ka mae Jeremaea igne theome doglo. Mare koko soruni mana lamna khora kho'u. Eghuteuna mana ginauna lehe ka grofo jare, naugna gognarona namo theohi kaisei bret te au ka namono igne.”

Profet Jeremaea 37:21

Aonu King Sedekaea ne cheke faheta ka nogna mae soldiare mala liliseini kolho mae Jeremaea ka kaisei vido ka nogna suga na. Aonu mae profet Jeremaea sosolo neu kolho ka vido igne. Eghuteuna leuleghu narane na, nogna mae soldia mae king igre mare tusu ranghini mana famane bret te keli ne ghilei thoke ka narane te theo bret na.

Profet Jeremaea 37:15

Kate nomhini mae ofisa igre nogna cheke mae komanda Iraeja igre, mare ne diꞌa tadi fara ka mae Jeremaea. Mare ne chekedi hatimare mae soldia igre mala purini mae Jeremaea. Kate purini mana te gnafa na, mare palani mana ne tei ka nogna suga mae Jonatan, nogna minista mae king.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Jenesis 19:4

Kate theome thuru nga teu phia mare na, maedi Sodom re ne kafe mei ne kegra faligohoni nogna suga mae Lot na. Mae te kafe mei igre goro mae biꞌo nei goro mae majaghani eghu, mare mei funudi ka vido te gnafa heva heva ka namono Sodom.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Profet Esikiel 9:9

Mana ne cheke eghu ka iara, “Naiknodi Israel nei Juda teu igre edi kmana glepo te diꞌa fara. Mare aknu falehe kmana naikno fara heva heva ka namono igne, eghuteuna mare edi thua nafnotu glepo te theome doglo. Mare cheke eghu, ‘Lord na la tei kokonihi noda namono tahati igne. Mana theome tangomana te filo ghita tahati na.’

Diutronomi 24:17

“Ghotilo leghuni puhi te doglo ka fate na ranghidi naikno phosa nei goro sua te glehe kokoi. Eghuteuna jame kaisei naikno biꞌo tela lehehi khetogna na kaoni ka ghotilo, ghotilo thosei hata nogna pohe na mala ke tughu fapulo nogna kaoni na.

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Jenesis 7:1

Aonu Lord ne cheke eghu ka mae Noa, “Ghema Noa, te laseni iara na, kaisei iagho gne ngala te doglo fara puhimu na ka gaꞌase nei nalhaꞌu eghu te au iagho baludi ka nauthoglu na igre. Eghume iagho tei saghe ka vaka na balugna tharaknamu na.

Profet Hagae 1:4

“Ghotilo nogu naikno iara ra! Unha ne thuru ka suga te keli fara ghotilo, kate diꞌa teu nogu Sugablahi iara na?

Proveb 18:5

Theome doglo te phile balugna mae ihei te huhughuni vetula na. Eghuteuna theome doglo te theome toghoni ihei te theome huhughuni vetula na te mala lus ka fate na.

Ululahu Samuel 15:24

Aonu, King Sol ne cheke eghu ka mae Profet Samuel, “Tutuani! Iara la jafrahi la theome faꞌuveni chekegna Lord na! Eghuteuna iara jaola neke theome leghudi nou cheke iagho ra neku. Iara neke mhaghudi nogu mae soldia gre neke leghudi unha te magnahaghedi mare re.