Eksodas 23:14 - Buka Blahi Ka Cheke Holo

¹⁴ “Ke lamnagna kaisei finogha na ghotilo mala lilisei fadelei thilo narane biꞌo malagu iara.

Eksodas 23:14 ပူးပေါင်းရင်းမြစ်များ

Diutronomi 16:16

“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Levitikas 23:34

“Cheke ka naiknodi Israel, leuleghu finogha, ka fafitu nhigra igne, ka fabotho glima narane gna na, ghotilo mala eni Narane biꞌo te mala Au ka Grorofe Ikoi, narane biꞌo igne mala eni nabagna fitu narane.

Levitikas 23:16

Ka glima fulu narane, igne narane ke leghugna fafitu narane Sabat teke kaha ghotilo ia, ghotilo mala tusu mei ka iara Lord kaisei fafara ka famane flaoa ka gano majaghani ka nagare ghotilo are.

Levitikas 23:5

Leuleghu finogha, ka nhigra ulu lahu, ka nabotho fati narane, kate plulu naprai na, ghotilo ginauna mala eni Gaghamu gna Ghasa-Polho.

Eksodas 23:17

“Iara nomi Lord God ghotilo, iara neke vahidi thilo narane malagna narane biꞌo igne leuleghu finogha na mala mei ghotilo mae nalhaꞌu ra mala tarai ke ulugu iara.

Levitikas 23:4

“Keha Narane biꞌo te mala kafe khapru mei te mala kilo fnakno ghau iara, iara neke vahini malami ghotilo, eghuteuna iagho mala chekeni thofno narane gna na ka naiknore.

Ululahu Samuel 1:3

Leuleghu finogha na, mae Elikana gne tei koba Saelo mala fafara nei tarai eghu ka Lord mae ihei te au nolaghi fateote'o. Ka namono biꞌo igne te au phei thugna mae pris Eli re, mae Hofni ghe mae Finehas, phei mae igre nogna pris Lord.

Ululahu Kings 9:25

Thilo fata leuleghu finogha, King Solomon fafara ka Lord ka olta teke eni mana na. Fafara te eni mana igne thofno knoro fara, mana eni fafara igne mala laseni naiknore te au fakeli mana balugna Lord. Eghuteuna mana jaola gahu insens ranghini Lord. Ka nafnata puhi igne, mana edi gobigna lepo igre kate tarai ka nogna Sugablahi Lord teke horo mana na.

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Eksodas 34:17

“Ghotilo thosei eni kaisei mumuju ka gol, ba ka silva, ba ka thua nafnata aean, mala pogho soru nei tarai eghu tagna.

Eksodas 34:18

“Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Diutronomi 16:1

Aonu mae Moses ne cheke eghu, “Leuleghu finogha, ka nhigra Abib, ghotilo ei Gaghamu Ghasa-Polho. Ghotilo eni gaghamu igne, naugna kaisei bongi ka nhigra Abib, Lord, nomi God ghotilo na neke hata fajifla ghami ghotilo Ijep.

Profet Esikiel 46:9

“Ka narane gaghamu na, naikno gna namono na mei lamna ka glalaba biꞌo na mala tarai, iheire te ruma ka grengatha ke raru igre ginauna mala jifla ka grengatha ke mata. Eghuteuna iheire te ruma ka grengatha ke mata igre ginauna mala ke jifla ke raru. Ginauna theo kaisei naikno tangomana te jifla ka kaisei grengatha aheva teke ruma tagna na.